Kiew kiba pang COVID-19 mynta ka sngi sha ka 161 ngut, koit kumba 78 ngut ha ka jylla

Shillong: U Director of Health Services jong ka jylla, u Dr. Aman War, u la iathuh ba kiba ioh thymmai ia u khñiang jingpang coronavirus ha ka jylla ki la don haduh 161 ngut, bad haduh mynta kiba don ia une u khñiang jingpang ha ka jylla ki la don 1,983 ngut.

Ha East Khasi Hills District ki don 105 ngut kiba kynthup 2 ngut ki armed forces bad 103 ngut ki riewpaidbah, ha Ri Bhoi District ki don 9 ngut, ha East Jaintia Hills ki don 28 ngut, ha West Khasi Hills i don tang iwei, ha West Garo Hills ki don 12 ngut kiba kynthul 6 ngut ki armed forces bad 6 ngut ki riewpaidbah, ha West Khasi Hills i don tang iwei, ha South West Garo Hills ki don 3 ngut bad ha East Garo Hills ki don arngut.

La iathuh ba na kine ki 1,983 ngut, ha East Khasi Hills ki don 1,359 ngut kiba kynthup 245 ngut ki armed forces bad 1074 ngut ki riewpaidbah, ha West Khasi Hills District ki don 13 ngut, ha South West Khasi Hills ki don 5 ngut, ha Ri Bhoi district ki don 166 ngut kiba kynthup 47 ngut ki armed forces bad 119 ngut ki riewpaidbah, ha West Jaintia Hills district ki don 10 ngut , ha East Jaintia Hills district ki don 265 ngut, ha West Garo Hills district ki don 160 ngut, ha South West Garo Hills district ki don 4 ngut, ha South Garo hills ki don 18 ngut, ha East Garo Hills district ki don 5 ngut bad ha North Garo Hills district ki don 8 ngut.

Kiba la jem na u khñiang jingpang coronavirus mynta ka sngi ki la don 78 ngut. Na kine ki 78 ngut, 37 ngut ki dei na East Khasi Hills, 3 ngut na North Garo, 3 ngut kidei na Ri-Bhoi dictrict, iwei idei na South West Khasi Hills, 29 ngut kidei na West Garo Hills, 4 ngut kidei na West Jaintia Hills bad iwei na South West Garo Hills. Baroh kiba la jem na une u khñiang jingpang ki la don haduh 2,342 ngut.

Mynta ka sngi ki la don arngut kiba khlad noh bad kiba la khlad ki la don haduh 31 ngut baroh.

Ki sample kiba la phah haduh mynta ka sngi ki long 1,27,571 kiba paw negative ki long 1,22,248 bad ki resol kiba dang ap ki long 867. Ki briew kiba wanphai sha ka jylla haduh mynta ka sngi ki don haduh 37,445 ngut.