Kiew kiba iohpang COVID-19 ha ka jylla, sha ka 106 ngut mynta ka sngi

Shillong: U Director of Health Services, u Dr. Aman War u la iathuh ba kiba iohpang COVID-19 mynta ka sngi ki la don 106 ngut, ha kaba ha East Khasi Hills ki don haduh 64 ngut, bad na kine ki 64 ngut, 26 ngut ki dei ki Armed Forces, bad 38ngut, ki dei ki riewpaidbah.

Ha East Jaintia Hills don 3 ngut, Ri-Bhoi ki don 3 ngut, West Khasi Hills kidon 16 ngut, ha North Garo Hills don tang uwei, West Garo Hills 9 ngut ha kaba 3 ngut kidei na Armed Forces bad 6 ngut ki riewpaidbah, South Garo Hills ki don 10 ngut.

Ka jingkhein khyllum lang ia baroh kiba iohpang COVID-29 ha ka jylla ki long 1,133 ngut ha kaba 723 ngut ki dei na East Khasi Hills kynthup ia ki 267 ngut kiba dei na Armed Forces bad 456 ngut ki dei ki riewpaidbah, ha West Khasi Hills 44 ngut, South West Khasi Hills tang 1, Ri-Bhoi ki don 94 ngut ha kaba 26 kidei ki armed forces bad 68 kidei kiwei kiwei, West Jaintia Hills 3 ngut, East Jaintia Hills 14 ngut, West Garo Hills 223 ngut ha kaba 146 kidei ki Armed Forces bad 77 ngut kidei ki riewpaidbah, South West Garo Hills 4 ngut, South Garo Hills 12 ngut ha kaba 10 ngut kidei ki armed forces bad 2 ngut ki riewpaidbah, East Garo Hills 3 ngut, North Garo Hills 12 ngut, bad kiba la koit mynta ka sngi ki long 7 ngut bad kine kidei iwei na North Garo Hills, 2 ngut na Ri-Bhoi, iwei na East Jaintia Hills bad 3 ngut na East Khasi Hills.

Kiba khlad haduh mynta ki long 8 ngut hadien ba iwei na Garo Hills I la khlad noh hynnin shiteng miet, bad kiba la jem na ka jingpang, ki long 776 ngut.