Kiew kiba ioh pang covid sha ka 406 ngut ha ka jylla

Shillong: Ki don 406 ngut kiba ioh pang covid mynta ka sngi. Kiba jem, ki don 185 ngut. Ym don ba iap mynta ka sngi, na ka khlam covid ha ka jylla.

Baroh kiba don jingpang covid, ki la poi mynta ka sngi, sha ka 2002 ngut bad kiba iap, ki long 1,496 ngut baroh.

Ka East Khasi hills, kumba ju long ka kiew bha man ka sngi, ha kaba ki don 304ngut kiba ioh pang, ka West Garo hills 56 ngut bad ka Ribhoi, ka don 16ngut.

Ki nongtrei ka koit ka khiah, ki don 22ngut kiba ioh pang ha East Khasi hills, ha Madanrting ki don 16ngut, Malki 7ngut, Nongmynsong 13ngut, Nongthymmai 10ngut, kiba wan nabar 22ngut, Upper Nongrim hills 8ngut nalor kiwei pat.