Kiew kiba iap sha ka 832ngut ha ka shisngi ha Spain

Ka jingiap briew ha Spain, ka long kaba bun tam mynta ka sngi, ha kaba kiba iap ki la poi sha ka 832ngut, haba khein lang ha ki 24 kynta ba ladep.

Ka jingiap ha ka sngi thohdieng ha katei ka Ri, ka long 769ngut bad kiba pang ki poi mynta sha ka 8hajar ngut, tang kiba ioh thymmai ha ki 24 kynta ba ladep.

Ka tnat ka koit ka khiah jong ka Spain, ka kam ba baroh kiba ioh ia katei ka jingpang, ki don mynta 72,248ngut bad kiba don ha hospital, ki long 40,630ngut bad na kitei ki don 4,575ngut kiba don ha ki jaka shah sumar bad sa 12,285ngut kiba la shah sumar na katei ka jingpang.

Ka jingiap ha Italy, hynnin ka sngi, ka poi sha ka 969ngut bad kaba dei ka jingiap briew, kaba bun duh, na utei u khniang jingpang.