Kiew kiba iap na ka jingpang Corona sha ka 80ngut ha China

Ka jingpang Coronavirus ha China, ka la bam ia 80ngut ki mynsiem briew. Mynta la iathuh ba ki nongshong shnong jong ka Hubei, kaba don hajan ka Hongkong, ki la shah khang, ba kim bit ban rung sha Hong Kong, namar ba ka don ka jingtieng ba ki lah ban pyn saphred ia ka jingpang sha katei ka nongbah kaba marjan.

Ka jingpang kaba don da ka jingpang khiesoh, ka kiew na ka 56ngut kibaiap sha ka 76ngut ha Hubei bad sa saw ngut kiwei pat, ki dei kiba iap sha kiwei pat ki bynta jong ka China bad la iathuh ba haduh mynta, kiba ioh pang ki la kiew da 30 percent lane kaba long 2,744 ngut.