Kiew khajna u synsar na ka T. 60 sha ka T. 5 spah shi trok

Shillong, 3 Risaw:
Ka kynhun myntri mynta ka sngi, ka la pdiang ban pynkiew ia ka dor khajna jong u synshar na ka T. 60 sha ka T. 500 shi trok.
U myntri ka tnad khlaw ka jylla u Bah Prestone Tynsong u la iathuh ba ia kane ka dor la pynkiew hadien naduh u snem 1999.
Ka jingthmu ban pynkiew ia ka dor khajna ka long ban kyntiew ia ka iarong pisa ka jylla katkum ka jingiaid ka por. “Ka kynhun myntri ka pdiang ia ka jingtywa ban pynkiew ruh ia ka dor khajna ia kiwei ki mar khlaw”, la ong u Bah Prestone.
U la ong ba la rai ban pynkiew ia ka dor khajna hadien khadsan snem na kaba rim bad na kane ka jingbuh dor thymmai, ka sorkar kan ioh khajna sa kumba T. 6 klur man u snem na ki mar khlaw.
“Da ka jingpynkiew ia ka dor, ka jingioh lum khajna ka sorkar kan kiew arshah na kaba rim”, la ong u Bah Prestone.
U la iathuh ba la pynkiew ruh ia ka dor jong ki dieng sawdong na T. 500 sha ka T. 5000 shi trok, ka Sawn Timber na ka T. 200 sha ka T. 2000, ka dieng thang na ka T. 200 sha ka T. 2000, u siej na ka T. 200 sha ka T. 1000, u thri na ka T. 300 sha ka T. 5000 bad u dhoop na ka T.300 sha ka T. 5000.