Kiew ka spah u trai ka Pavlok kompeni, da kaba u buh da ka nongtrei, ka ban thab ia u, lada u shongkai

U Maneesh Sethi, uba dei u trai jong ka kompeni Pavlok, kaba dei ka kompeni die jain phong, ula buh khnang ia kawei ka nongtrei, ka ban thab ia u bad ia katei ka nongthab, u siew ia ka 8 us dollar, na ka bynta shi kynta lane kaba long T.56 eiei bad ka kam jong ka nongtrei, ka long ba kan thab ia u shi thab, ar thab, lada jia ba u plie ia ka facebook, katba u dang trei kam.

Ha u snem 2012, U Sethi, ula ai nong ia ka Kara, ba kan shong hajan jongu bad ban thab na ka ngab jongu, ha kano kano ka por, ba u plie ia ka facebook peij jongu, lane ia kano kano ka peij social media, katba ka dang dei ka por trei kam jongu.

“Nga wad nongtrei, u ne ka, ban shong hajan jongnga bad ban don beit ha kano kano ka jaka, lada dei ha iing lane ha dukan sha bad kan peit beit ia ka screen jongnga bad lada nga pynlut por kai, phi dei ban mai ia nga, lada ban thab ia nga” thoh U Sethi, ha Craigslist.

Katei ka jingleh jongu, kaba u ong “Khlem pynshitom, khlem don jing iohnong, ka la pyn myntoi shi katdei ia u, ha kaba ka kamai jongu, ka kiew da 98% na kaba ju long 35-40%”.

Katei ka jingthoh jong U Sethi, ka paw pyrthei, ha ka 10tarik Naiwieng 2021, haba la don ba lap bad sei paidbah bad katei ka jingthoh, ka kiew stet ha ka social media, ha kaba ki la don 11,400 ngut kiba like.
Katei ka jingthoh, ka la poi ruh sha ki khmat U Elon Musk, uba dei u trai ka Tesla bad ula kynthoh, da kaba buh ar tylli ki fire emojis.