Kiew ka mukotduma sha ka Supreme Court rUjor ki 4ngut, halor ka bor Rangbah Shnong

Shillong ,17 Nailar:
Ka Supreme Court, ha ka 14tarik Nailar 2015, ka la sngap ia ka jingujor halor ka kam jong ki Rangbah Shnong, ba la ujor da U bah Lber Laloo, U Bah Pynskhemborlang K Sawian, u Bah Madal Sumer bad u Bah Gavin M Mylliem, kaba long pyrshah ia ka hukum jong ka Meghalaya High Court, kaba la pynmih ia ka rai jongka, ha ka 27tarik Kyllalyngkot 2015.
Ka  Supreme Court  ka la shah shkor bha ia ka mat, ba la leit rah da u nong ia said jong kitei ki 4ngut bad ka la bthah ia u nongiasaid jongki, ba un rah shuh sa kiwei de ki sakhi, kiba pyni halor ka jingtrei kam jong ki Rangbah Shnong, ha kaba la ai por ruh ar taiew, ha kaba la buh sngi, ban bishar biang ha ka 7tarik Nailur 2015.
Ka kashari, ha ka jingbishar jongka, ha ka 14tarik Nailar 2015, ka la bthah ia ka High Court, ba kan bishar biang ia ka jingbishar, kaba 2 jong u snem 2015, kaba dei bad ka bor jong ki Rangbah Shnong, katba kam pat poi ka hukum, kaba kut ka ban mih na Delhi.
Lah ban kdew ba u CEM barim ka KHADC u la iakhun pyrshah ia ka rai ka High Court sha Supreme Court ha ka 14 tarik Lber.  Hynrei na ka liang ka Supreme Court ka la phah biang ia kane ka kam sha ka High Court of Meghalaya.