Kiew ka khlam corona sha ka 1,072 ngut ha Tripura, 117ngut ha Mizoram

Sa 18 ngut, kiba ioh pang Covid19 ha Tripura bad katei ka jylla, ka don mynta ia 1,072 ngut ki nongpang Covid.

U Biplab Kumar Deb, myntri rangbah ka Tripura, ha ka tweet jongu, hynnin ka miet, u iathuh ba kitei kiba ioh pang, ki dei kiba na Sepahijala district bad ki dei ruh, kiba wan jingwan na shabar.

Haduh mynta, ka Tripura, ka don ia 1,072 ngut kiba don jingpang bad 756 ngut kiba dang shah sumar bad 315 ngut kiba la jem, nangta sa uwei uba iap.

Ha Mizoram, ki don sa 5ngut kiba dang shi ioh pang hynnin ka sngi bad baroh kiba ioh pang, ki la poi sha ka 117ngut. Kiba dang shah sumar, ki don 116 ngut bad kitei ki dei ki bym pyni dak jingpang satia bad ki dei kiba dang shu wan phai na Delhi, ong ka khubor jong ka DIPR jong ka Mizoram.