| Shillong: U Director ka tnad ka koit ka khiah, u Dr Aman War, mynta ka sngi u la iathuh ba ha ka jylla mynta ka sngi la ioh Covid positive, ki 8 ngut ki briew ha ka jylla, na kine ki 8 ngut; 3 ngut ki dei ki shipai BSF ha East khasi Hills District bad 5 ngut ki dei na Ribhoi District. Kitei ki 3 ngut ki BSF, ki kynthup ia ki 2 ngut kiba na Lyngkhat, kaba don ha khappud jong ka East Khasi Hills. Haba iakren bad ki lad pathai khubor u Dr War u la iathuh ba kat haduh mynta ki briew ki ba dang don ia kane ka jingpang ki long 26 ngut, ha East Khasi Hills District 11 ngut, kynthup ia ki 10 ki shynrang bad iwei i kynthei. Ha Ribhoi District 10 ngut, kynthup ia ki 6 ngut ki shynrang bad 4 ngut ki kynthei. Ha South West Garo Hills 2 ngut ki shynrang. Ha West Garo Hills 2 ngut ki shynrang bad uwei ha East Jaintia Hills District. Haba batai ia ki 8 ngut ki ba la test Covid positive mynta ka sngi u Dr War u la iathuh ba ki 4 ngut na Ribhoi District ki dei ki ba sah ha 13 Mile, Ribhoi District bad uwei u dei u ba sah ha Khanapara bad u dei ruh u ba iajan (High Risk Contact) bad u briew u ba trei ha Greenwood Resort, Guwahati u ba la test Positive ha kine ki sngi. Katba ki 4 ngut ki bas ah ha 13 Mile Ribhoi District ki ba la test Covid positive mynta ka sngi ki dei ki briew ki ba iajan bad 2 ngut ki briew ki ba la test Covid positive ha Guwahati kawei kadei ka ba trei ha Guwahati bad kawei ka dei ka ba leit ban phah sumar ialade ha jaka sumar ka ba don ha Guwahati. Ka briew ka ba trei ha Guwahati ka la leit ban phah test hi ia lade ha ki Hospital ki ba don ha Guwahati bad la lap ba ka long positive ia ka jingpang Covid -19 bad ka briew ka ba leit ban phah sumar ha ki Hospital ka ba don ha Guwahati la leh ia ka test ha ka ne ka hospital bad ia ka ruh la lap ba ka don ia ka jingpang Covid-19. Na ka liang ka sorkar Assam ki la wan shaw noh ia ki na Meghalaya ban phah sumar ha Guwahati bad ki la pyntip ruh ia ka sorkar jylla Meghalya, hadien ba la ioh positive ki ne 2 ngut ki ba sah ha 13 Mile Ribhoi District ka tnad ka koit ka khia ka la wad ia ki briew ki ba iajan (High risk Contact) bad ki ne 2 ngut ki ba la test positive bad lap ba 4 ngut ki briew ki long Covid positive mynta ka sngi. Ha kaba iadei bad ka jingtest Covid positive ia ki 3 ngut ki Shipai BSF u Dr War u la iathuh ba kine 3 ngut ki shipai BSF ki dei ki ba dang shu wan phai na Lyngkhat, East Khasi Hills District bad ki dei ki ba ba iajan (high risk contact ) bad u nongniah kali Shipai u ba la test positive . |
Phi don ban ong eiei?