Kiew ka jingshon Aadhaar, jong kiba armet bad kiba hapoh 6 snem

Shillong:Ka long ka jingkyndit ban tip ba ia ka jingshah pynduna bhah jong kito ki jingbam tei met ia ki longkmie ba armet lyngba ka supplementary nutrition program kaba tang 10 persen da ka ministry of women & Child Development, na ka jing duna jong ki longkmie ba armet ba don ia ki Aadhar, ki khynnah rit naduh ka karta ba dang shu kha haduh 6 Snem ha ka jylla.

Ka tnat social welfare department ka la pyllait paidbah ia ka jingpynrung kyrteng Aadhar sha baroh kiba ioh jing myntoi lyngba ka POSHAN bad kito ki ban ioh jing myntoi ha ki Anganwadi centre.
Kane ka dei kaba la sdang dang ha ki khyndiat bnai ka la paw ba bun bha ki la wan ban pynrung kyrteng, ha kaba dang sdang ka jing pynrung kyrteng adhar ka poi tang kumba 13 percent, hynrei kumba long mynta ka la kiew haduh kumba 78.21 percent.

Ki bynta jong ka rilum Garo ka la kiew bha ha kane ka jingpynrung kyrteng, wat la ka suiñ bneng ka shit bad ka jing jah jong ka bording elektrik, hynrei kam shym la don satia ka jing khanglad haba don ka mon.
Lai tylli ki district ha Rilum Garo ka jing pynrung kyrteng Adhar card ka la tam ia ka 95 persen bad ar tylli ki district ka la poi kumba 95 persen, katba ka Ribhoi district bad ka West Jaintia hill district ka jing pynrung kyrteng Aadhar ka kham kiew bha.

Ki bynta jong ka rilum khasi ka la don ka jing pynrung kyrteng hynrei kam pat biang pura, khamtam ka west khasi hills bad ka South West khasi Hills District ka jing pynrung kyrteng ka long tang kumba 78.21 na ki 4 lak ngut ki nong ioh jingmyntoi.
Ki Deputy Commissioner jong baroh ki district ki la phah ia ki nongtrei ki jong ki sha kylleng ki jaka ban pyndep noh ia kane ka kam.

Ka tnat social welfare ka la ai khublei kitbok ia baroh ki jaka treikam jong ki Deputy Commissioner ba pher bapher,ki ophisar jong ka tnat social welfare, ki DPOs jong ki ICDS, ki CDPOs, bad ki nongtrei Anganwadi bad ki nongiarap kiba la iatrei shitom ha kane ka campaign ba la tip kum ka No Aadhar Saturation, no rest, la ïathuh u principal secretary jong ka tnat Social welfare u Sampath Kumar IAS.