Na ka liang ka seng ehrang ISIS, ka kam trai halor ka jing pynbthei bom ha ka nongbah Colombo, ha ka Sngi U Blei. Ha ka khubor, lyngba ka Amaq News Agency, ka ISIS, ka ong ba katei ka jingbthei bom, ka dei ka kam jong ki shipai jong ki ehrang Islamic State. Katei ka khubor, ka iathuh ba ka jing pynhiar kput jongka, ka long ia kito ki Ri, kiba pynhiar kput ia ki jaka kiba ka la synshar katei ka seng ehrang bad kitei ki kynthup ruh ia ki Ri Khristan.
Ka jingiap briew na ka jingther bom ha Colombo, ka la kiew sha ka 321ngut haduh mynta ka sngi, ong ka khubor bad ki pulit ki la kem ia 40ngut ki briew halor ka jingdon kti jongki ha katei ka jingjia.
Ka dur jong Jisu, kaba la bit snam, na ka jingther bom ha ka iingmane St. Sebastian ha Negombo, kaba don shatei jong ka Colombo.
La iathuh ba ki don 39ngut ki bar ri, kiba iap ha katei ka jingbthei bom ha ka step jong ka Sngi U Blei bad sa 28ngut na kitei kiba mynsaw.
Ka kmie kaba phet krad najan ka iingmane St Anthony’s na ka jingbthei bom bad kaba rah ia i khun rit jongka.
Phi don ban ong eiei?