Ka jingiap na ka jingpang coronavirus, ka la poi mynta sha ka 11ngut ha India bad katei ka dei hadien ka jingiap jong uwei u briew ha Tamilnadu. Utei uba iap, u dei uba 54 snem ka rta bad utei u la khlad mynta ka step bad u dei ruh uba nyngkong ban iap ha katei ka Jylla.
Ka jing iap briew mynta ha kylleng ka pyrthei, ka la poi sha ka 18,000ngut bad tang ha Italy, kiba iap ki la poi sha ka 6 hajar ngut, katba kiba ioh pang ha kylleng ka pyrthei, ki la poi mynta sha ka 4lak ngut.
Ka jingdon kiba pang ha India, ka la poi haduh 560ngut haduh mynta ka sngi bad na kitei ki don 46ngut kiba la ioh khiah, na ka jingshah sumar ha ki hospital bapher. Kiba pang bun eh, ki dei na Maharashtra, kaba long 107ngut bad ha Kerala, kaba long 105ngut.
Phi don ban ong eiei?