Kiew ka jing kamai ka Kalank sha ka T.43klur ha ka Sngi Thohdieng

Ka phlim Kalank, ka la iaid iew bha ha ka Sgi Thohdieng, hadien ba la pyllait paidbah ia ka sngi ha ka Sngi Balang. Ha ki ar sngi kiba sdang, kam shym la kiew bha ka iew ka hat jongka, hynrei ka dei tang hynnin ka sngi, ba ka la lah ban kamai T.11.5-12klur. Katei ka dei ka phlim ba la ak da ka Alia Bhatt bad U Varun Dhawan.

Lyngba ka jing kamai bha jongka, hynnin ka sngi, ka Kalank, ka la kiew sha ka jingioh jongka, kaba T.43klur. La iathuh ba ka Kalank, ka kamai bha ha Mumbai, Andhra Pradesh, Mysore bad nangta ha ki bynta jong ka East Punjab, kiba la shim ba ki dei ki jaka kiba ki bun bha ki briew kiba kren Hindi.

Ha katei ka phlim, kiba shim bynta lang, ki long ka  Madhuri Dixit, U Sanjay Dutt, U Aditya Roy Kapur bad ka  Sonakshi Sinha. Ha ka sngi ba pynmih ia katei ka phlim, ka kamai T.21.6klur bad ka dei ka phlim, kaba iaid iew bha, na bynta kitei ki shijur, kiba ia ak lang, ka Alia bad U Varun.