Kiew ka iew syiar Khasi, ba khang dukan ki syiar phareng

Shillong, 2 Jymmang:
Ka jingsahngeh die ia ki syiar phareng (broi ler)ka la pynlong ia ki nongdie syiar khasi ban lah pynheh ia ka iew die syiar khasi.
Ki nongdie syiar phareng ki la rai ban sah ngeh ban die syiar phareng naduh ka 1 tarik Jymmang haduh ka 7 tarik ban pyrshah ia ka jingkiew dor ki syiar na Assam.
Na ka liang u nongthoh khubor uba iaid sha iew mynta ka sngi ha Iewduh, la iohi ba ka iew die syiar phareng baroh ki dukan ki khang lut bad la iohi tang ia ki syiar khasi ba la wan die ba set ha ki ruh baheh baheh.
Haba iakren bad ki nongdie syiar khasi ha iew ki la ong ba ka jingsahngeh die syiar phareng ka la kham pynheh iew shuh shuh ia ki nongdie syiar khasi namar ba kiba wad syiar phareng kim ioh bad ki la hap ban thied ia ki syiar khasi.
La ong ba ka rukom die ia ki syiar khasi bad syiar phareng ka iapher namar ba ia ki syiar khasi kim ju thew kilo hynrei ki shu ia die tylli beit katba ia ki syiar phareng ki shu thew kilo.
Lah ban ong ba kane ka jingshangeh die syiar phareng ka la ka ktah ia ki paidbah kiba bam syiar khamtam haduh shi taiew.
Na ka liang u Deputy Commissioner ka East Khasi Hills ruh u la maham ba kino kino kim lah ban phah khang dukan jubor bad lada lap, yn pynshitom ia ki.
Uwei u nongdie syiar phareng uba ka khang dukan, u la ong ba ka jingsangeh ban die ia ki syiar phareng kam dei eh ba kim kiew dor hynrei namar ba kim ioh syiar kiba biang dor na Assam bad la die ha ka dor kaba rem.
Ki syiar phareng (broiler) kiba dang rit ki la die ha ka dor kaba heh, u la ong bad bynrap, ba hadien shi taiew, lah ban ioh syiar biang.