Kiew ka iew ka TVS Jupiter sha ka 5lak tylli

Hosur, 17 Jymmang:
Ka Scooter, kaba iaid iew bha, ka TVS Jupiter, ka la lah ban pyniaid iew ha kine ki sngi, sha ka 500,000 lak tylli tam bad katei ka long tang ha ki 18 bnai, hadien ba la pyniaid iew ia ka, naduh U Nailur 2013. Katei ka Scooter, ka kham suk ban shong bad ka kham sngew tynnad ban niah, ha kaba ki pdiang sngewbha kiba bun ki briew kiba sngew tynnad ban niah ia kitei ki Scooter.
Ka TVS Jupiter, ka don ia ka engine jongka, kaba 110cc engine bad ka long kaba lah ban iaid kham stet bad kaba duna ka jingbam umphniang jongka bad ki don bun bah ki rangbah, kiba kham sngew bang ia katei ka Scooter.
“Ka don shibun ka jing pyrkhat, na ka bynta ka jingmyntoi jong ki nongthied, ha kaba thaw ia ka TVS Jupiter. Ka jinglah ban pyniaid iew bun bha, ka dei namar ba ki nongthied, ki sngew tynnad bad sngewhun ia kane ka Scooter bad nangne shakhmat, ngin nang thawlad ban nang pynbha shuh shuh ban pynieid ia ki nongthied” ong U K N Radhakrishnan, President bad CEO, TVS Motor Company.
Mynta ia ka TVS Jupiter, yn lah ba ioh ha ki rong bapher bapher, kum ka rong lieh, ka rong rupa, ka rong saw, ka rong sawbthuh nalor kiwei kiwei ki rong.