Kiew dor u maw ha Swer, Mawkdo

Shillong, 30 Lber:
Ka synjuk jong ki nongtrei bad trai par maw ki bahap hapoh u pud u sam jong ka shnong Swer, Elaka Lait kroh bad Mawkdok, ha ka jingialang kaba la long ha ka 29 tarik mynta u bnai, ka lashim ia ka rai ban kyntiew noh ia ka dor jong u maw kynroh (mawthup) sha ka dor T.1500 tyngka na ka bynta shi single (4 cubic metre lane 4 trailer jeep) bad kumjuh ruh na ka bynta u maw salin.
Na katei ka jingialang kaba la long ha Madan Iew Syiem, Mawkdok,ka Synjuk ka ba kynthup ia kitei ki lai shnong, ka la shim rai ruh ba ka dor na ka bynta u maw siang surok (metalled stones) kan long T.3500/ tyngka na ka bynta 4 cubic metre lane 4 trailer jeep.
Kane ka jingpynkiewdor kan trei kam naduh ka 14 tari u Iaiong, 2014 bad ka Synjuk ka shim ia ka kabu ban pyntip lyngba ki ladpathai khubor na ka bynta ka jingbit jingbiang lang jong ki nongtreipar maw, ki kali kit maw kumjuh ia ki nongthied maw

lane ki contractor.