Kiew dor kynsan ka dohsniang ha Sohra, T.280 shi kilo

Shillong, 9 Nohprah:
La shi taiew mynta la pynkiew kynsan ia ka dor jong ka dohsniang ha Sohra, na kaba ju die T.240 shi kilo la pynkiew sha ka T.280 tyngka bad katei ka la pynlyngngoh ia kiba bunbah ki paidbah katei ka thaiñ. Halor katei ka jingjia ki nongialam ka HYC Sohra ki la leit ban ia kynduh ia ki majistor jong ka Sohra civil Sub-Division ba kin tohkit . U President ka HYc Sohra circle u bah Shan Nongrum u la ong ba ki Majistor ki la ong ba shen kin leit tohkit ia katei ka kam. Katkum ka jingong utei u heh HYC na Sohra u la ong ba u la wad jingtip ha kylleng ki jaka bad la ioh jingtip ba ka dor jong ka dohsniang ha kiwei ki jaka ka dei T.240 tyngka shi kilo katba ha Sohra pat ki die T.280 tyngka shi kilo. La ioh jingtip ba katei ka jingpynkiew dor ia ka dohsniang ka long ha la ki jaka jaka , don ki jaka ki bym pat kiew dor bad don kiba la pynkiew ha kaba sha Mylliem la iathuh ba la pynkiew dor sha ka T.280 tyngka shi kilo.