Nongpoh: Ka kynhun ki nongotdoh kaba la tip kum ka Khasi Jaintia Butchers Welfare Association (KJBWA), kaba la ju pynpaw na ka por sha ka por ia ka jingpyrshah kaba jur halor ka jingshalan beain sha Bangladesh ia ki masi, ka la pynshai, ba na kane ka daw sa kiew dor khah khah ka dohmasi ha Ri Khasi bad Jaintia.
Ki masi ha Iew Khanapara hashwa ban die
Haba la iakren bha bad u nongthoh khubor u Bah Generous Walarpih, Vice-President ka KJBWA ula ai jingkren da kaba ong ba kat haduh mynta ka sorkar kam pat ithuh ia ki kum ki nongotdoh bad ka dei na kane ka daw kaba la pynlong ia ka jingjyllei ka jingshalan tuh sha Bangladesh.
Kum ka seng ka ai khublei ruh ia ki doktor na ka tnat Vetinary kiba la shiimkhia ban wan khmih thuh ia ki masi hashwa ban otdoh bad ban die sha ki paidbah.