Kiew biang ka corona ha India; 40 hajar ngut kiba ioh pang ha ka shisngi

Ka khlam covid 19, ka la nang kiew stet bha ha India, ha kaba ki don palat 40hajar ngut kiba ioh pang ha ka sngi thohdieng.

Haduh mynta, kiba ioh pang, ki la poi sha ka 1,15,14,331 ngut bad kiba jem, na ka jingpang, ki long 1,10,83,679. Kiba dang don ha ka jingshah sumar, ki long 2,71,282 bad kiba iap, ki long baroh 1,59,370 ngut.

Kiba ioh pang thymmai, ki long 39,726 ngut bad kiba iap na katei ka jingpang, ki long 154 ngut, ha ki 24 kynta ba ladep, nangta ki don sa kiba jem na ka jingpang, kiba long 20,654 ngut, ong ka kyrwoh na ka tnat ka koit ka khiah ka sorkar India.