KIEI KI 1335 SNGI?

AIS SUJA

Ngi la dep ban pule ia ki 1290 sngi katkum u Daniel 12:11. Mynta ngin ia peit ia kata ka por jong ki 1335 sngi. U Daniel U ong – suk uta uba iai ap, bad uba kot haduh shihajar lai spah lai phew san sngi (1335 sngi) Daniel 12:12.

Kaba mut ba ki 1290 sngi ki long ki por ka jingsynshar u Ksuid bad u soitan. Daniel 12:11. Mynta pat kan wan ka 1335 sngi. Kamut haba khein lang 1290 sngi+45 sngi = 1335 sngi. Daniel 12:12. Kine ki 1335 sngi ki don ia ka 45 sngi kein. Hapoh kine ki 45 sngi ki don ki kam ba u Blei un pyndep shwa ban rung sha ka 1000 snem.

Kat kum ka ktien u Blei (bible) ba hadien ba la kut ki 1290 sngi, U Jisu un tei pat ia u Lum seion. Isaiah 2:2. Kadaw ka long ba u la pra ha ka thma Armageddon, bad yntei ia ka Temple halor u lum seion. Sekharaiah 6:13. Bad kan long ka por ka jingpynkhreh ban lum ia ki Israel sha lum seion ia uba la tei pat Jeremaiah 31:10-12. Ha kajuh ka por yn lum ia ki Jentil sha u lum Seion. Mikah 7:10-17/ Isaiah 66:18 ka ong kumne: namar nga tip ia ki kam jong ki bad ia ka jingmut jong ki. Ka por ka wan ba ngan lum lang ia ki jaidbynriew bad ia ki thylliej baroh, kin wan bad kin iohi ia ka BUROM JONGNGA. Isaiah 66:18.

Mynta, haba u Jisu u la dep lum ia ki Jaidbynriew sha u Lum Seion, yn sdang pat sa ka jingpynsleh ia u Jisu Khrist ba un ioh synshar sa ma u pat. Daniel 9:24. U Jisu u wallam noh ia ka hok bymjukut….bad ban pynsleh ia u Bakhuid tam eh. (Jisu Khrist). Ka jingpynsleh ka long naka bynta ba u Jisu un synshar 1000 snem kein ha kane ka pyrthei…… la ai ha u ka jingsynshar bad ka burom, bad ka hima, ba ki kynja bynriew baroh bad ki ktien kin shakri ia u (Jisu). Ka jingsynshar jong u Ka long ka jingsynshar bymjukut kaban ymduhnoh, ka hima jong u kaban ymduh noh. Daniel 7:14. Un synshar halor ka ing u Jakob ha la ka rta. Ka hima jong u ka ban ym kut shuh. Loukas 1:33. Kumta ki 1335 sngi. Daniel 12:22 ki long ki por ba pynkhreh bad ban pynsleh ba u Jisu, un synshar 1000 snem hangne ha pyrthei bad shaduh bymjukut shuh.

Mynta ngi sngewthuhshai kdar, ba la da ia ka Temple kaba Lai yn pynieng pat (to be set up) ha Jerusalem, kata ka por kaba kum kane kan ymdon shuh. Namar u Soitan ruh un synshar don bor ia ka pyrthei ha ki 1290 sngi. Bad hadien kane kan wan noh ka jingsynshar u Trai Jisu 1000snem bad shaduh bymjukut. Ki Nongpule baieit lada phi iohsngew iaka ktien u Blei, sngewbha wat buhteng iala ka jingim bakordor. Phai sha u Blei, namar shibun ki jingiathuhlypa ka ktien u Blei ki la jia nangiaijia ban pyndep ia kiei kiei ba lathoh ha ka. “ka bneng bad ka khyndew kin leit noh, hynrei ki ktien jong nga kin ym leit noh satia. Mathaios 24:35.

Ngin sa pule pat ia ka 1000 snem aiu ka ktien u Blei ka don ban iathuh. Amen