“KIEI 62 TAIEW KAT KUM U DANIEL?”

AIS Suja

Kiei ki 62 taiew kat kum u Daniel? Ki 62 taiew ki dei ki bnai bad ki snem ba u Blei u labuh ban long 434 snam (divided da u 47) lane 1,56,240 sngi, kaba sdang naduh u snem 397 B.C bad kut ha u bnai April 32A.D. Ki 62 taiew ki don la ka por. Shaphang kata, ka ktien u Blei ka ong kumne: “Te hadien kita ki 62 taiew ia uta uba la sleh yn ot noh, bad un ymioh eiei ruh”. Daniel 9:26.Ka mut kaei kane? Kane ka dei ka jingiathuh lypa shaphang ka jingiap u Jisu Khrist halor diengphna ha u April 32 AD hadien 6sngi bala dep pynsleh ia u Jisu ha ing u Lasaros bad ka long ruh ka sngi ba u Jisu u rung shapoh Jerusalem kum u syiem ki Israel. Ioanis12:1-14.

Kumta ki 62 taiew ki la kut noh ha u bnai April 32Ad namar u Jisu u la iap, uba la sleh ula iap bad ula mih pat bad ula kiew noh shabneng. Ki kamApostol 7:10-11. Ha shwa ki 62 taiew, ki la don ki 7 taiew Daniel 9:25.Ki 7taiew ki sdang naduh u 445 B.C. Kumta 7taiew+62 taiew =69 taiew. Ngi mynta, ngim don shuh hapoh ki por jong ki 69 taiew namar kila kut noh haduh u 32AD. Ngi don mynta hapoh ki por ka jingaiei kaba jlan kaba yn sakut noh artad, kaba la iaid mynta 2000 snem tam. Bad kaba ngi dang ap mynta ka long iaka shitaiew kaba khadduh tam, ban ioh long 69+1=70taiew. “70 taiew la pynkut halor ki briew jong me bad halor kata ka nongbah (Jerusalem) bakhuid jongme iaka ban pyndep iaka jingpalat bad ban pynwai noh iaki pop bad ban pynllong ki jingiasuk naka bynta ka jingbym hok bad ban wallam noh iaka hok bymjukut….. ban pynsleh ia uba khuid tam eh”. Daniel 9:24.

Kaba mut, tang shu pyndep iaka 1taiew ba sah lane ki 7snem, u Blei un pynkut noh ia kiei bad yn pynsleh ia u Jisu Khrist hadien kata ka 1taiew khnang ba un ioh synshar 1000 snem ia kane ka pyrthei, bad ba kan long ka bneng ba thymmai bad ka khyndew ba thymmai ha kata ka por. Jingpynpaw 21:1-27.Hangne kan urlong ka jingduwai u Trai Jisu kaba u hikai haki synran bad kita kiba ngeit baroh, kaba ong-“wan ka hima jongme. Long kamon jongme ha khyndew kumba ha bneng”.Mathaios 6:10. Kane ka khyndew kan sa long ka bneng. Balei? ‘Namar ka pyrthei kan dap daka jingtip u Trai, kumba ki um kitap lin ia ka duriaw”. Isaiah 11:9.

Kumta, ka 1taiew kaba sah, kan long kaba khadduh tam, ban ioh long 70 taiew baroh, ka don hajan tam jong uwei u briew. Kan long ka por kaba jynjar tam haka pyrthei, kapor ba u Mradkhlaw u synshar bad ba yn pynieng iaka Temple balai ha Jerusalem. Ka lynti shata dei lyngba daka thma bah pyrthei. Ka por jong ka kordit bah kaba ym pat julong na mynba long ka pyrthei. Mathaios 24:21.