Kiba shah dawa pisa, ha kyrteng ka HNLC; ki dei ban iathuh, ong ka HNYF

Shillong:Haba iadei bad ka jingjia shah dawa pisa jong ki katto katne ngut ki briew ha ka kyrteng jong ka Seng ba la kheiñ beaiñ da ka sorkar india ka Hyn niewtrep National Libe ration Council (HNLC), na ka liang jong ka seng Hynniewtrep National Youth Front (HNYF) ka la mih shakhmat ban ai jingkyrshan ia kito kiba shah dawa.

Naka liang u President jong ka HNYF East Khasi hills Dis trict,u bah Bless Dkhar, u la buh jing kyrpad ia kito ki riew paidbah kiba ioh ia kitei ki khubor dawa pisa ba ki dei ban wan sha ka HNYF ban wad jingiarap ban ia kaba ki Thad sha ki lad pathai khubor, khlem da lah ban ïathuh bniah ia ki jing shisha baroh.
Ka jing pyllait khubor jong ka HNYF, ka la wan hadien ba kawei ka longkmie ka la pynpaw ia ka jingmad jong da kaba phah lyngba ka email sha U Rupang.

Kane ka longkmie ka la pynpaw ba ka la shah dawa 20 lak tyngka ha u wei u briew u ba la kam kum u nong lum pisa jong ka seng HNLC ha ki bynta jong ka East Khasi Hills District bad Ribhoi, ia u ba la tip kyrteng ruh kum u Synshar Khymdeit.
Haba pynpaw ia ka jing sngewkhia ia ka jing shim kabu jong ki katto katne ban pyndonkam ia ka kyrteng jong ka seng HNLC, na ka liang u bah Bless Dkhar, u la ong ba ka seng hi ka la kyntait ia ka jingdon bynta ban dawa pisa.

Hynrei u la suba pat ba ki don ki langiong kiba don ka jingthmu ban pynthud ia ka jingiakren iasuk jong ka seng hapdeng ka sorkar jylla bad sorkar pdeng.
U la pyntikna ruh ba na ka liang jong ka HNYF kan sa shimkhia ia kane ka kam.U la maham ruh ia u tei u briew ba la tip kum u Synshar Khymdeit, ha kaba u la ong ba um dei satia ban buhrieh.

U la kyrpad ruh ia katei ka lanot ba shah dawa pisa ban kan wan shakhmat ban wad jingiarap, namar kum ka seng hi kan sa ai ka jingiarap katba ka lah.
Ha ka juh ka por u la maham ia ki riew shimkabu kiba pyndonkam ia ka kyrteng jong ka seng HNLC, ha kaba u la pynshai ba ka HNYF kan ym kit khlieh satia. Na ka liang jong u bah Dkhar, u la kyrpad ruh khnang ban ioh kem noh ia u briew ba donkti la dei ban leit ujor ejahar noh sha ki pulit.