Kiba sah ha Manipur, hadien u 1961, yn beh lut noh, ong U Biren Singh

Imphal: Kito kiba buhai shnong, ha Manipur, hadien u snem 1961, yn beh lut noh, ong U Biren Singh, myntri rangbah ka Manipur.

Haba kren, ha ka prokram, ba la pyllait paidbah, ia ka ‘Project Buniyaad’ ha ka Sngi nyngkong, U Biren Singh, u ong “Kito kiba rung bad buhai shnong, hadien u sem 1961, yn sa beh noh na katei ka jylla. Katei ka rai, ka dei, hadien, ba ka kynhun myntri jong ka Manipur, ka la dep mynjur ha U Jylliew 2022, ia katei ka rai, ha kaba yn shim, ba kito kiba sah ha shwa u 1961, kin dei ki trai shnong ba pura jong ka jylla bad ia kiba hadien kata, yn pyntreikam da ka Inner Line Permit (ILP).