Guwahati:Haba kren sha ki lad pathai khubor u myntri rangbah jong ka jylla Assam u Himanta Biswa Sharma, u la ong ba ka sorkar jylla kan beh krad noh ia baroh kiba wan shong bad rung ha jylla Assam hadien u snem 2015.
Haba iathuh shaphang ka jingpyntreikam ia ka Citizenship Ammendment Act( CAA ), u la iathuh ba iwei ne ar ngut ki la dep ban pynrung kyrteng ban long ki nong shong shnong hadien ba la pyntreikam ia kane ka aiñ ba thymmai.
“Ngin pynphai biang ia baroh ki ba wan rung hadien jong u snem 2015,tang ar ngut ki briew ki la pynrung kyrteng bad ki dei kiba wan hadien jong u snem 2015, ba ki san ngut lai ngut na ki kim shem la don satia ha ka jingpeit bniah ia ki kot ki sla bad tang ar ngut ki la pynrung kyrteng lyngba ka CAA” ong U Sarma.
Katkum ki kyndon jong ka Citizenship Ammendment Act (CAA) ki briew ba dei na ki ri kum na Bangladesh, Pakistan, Afghanistan,ki lah ban wansah ha India kum ki nong shong shnong jong kane ka ri lada ki wan sha kane ka ri ha shwa jong u bnai nohprah jong u snem 2014.
Haba pynsngew ia kane, u Himanta u la ong ba kito kiba wan hadien jong u snem 2015, yn beh krad noh ia ki sha ka ri jong ki.
dei kane ka daw ba ia wan shane khlem kot ban trei ki kam bad lehse ka NPP-UDP ka kwah pynlong vote bank ia kiba shah beh na Assam..Husiar ki shnong khappud bad sor..peit kumba jia ha USA u tymmen Biden u kwah pynrung shuwa ka election daki phew2 lakh ki poiei ban thep iaka Democrat.