Kiba pynmih khubor lamler, halor ka injek corona, kin shah pyn shitom

Shillong: U Director ka tnad ka koit ka khiah, u la ong ba lyngba ka jingrai jong ka Supreme Court kaba la ong ba kino kino ki ba pynmih ia ki khubor lamler bad kiba don bynta ban pyn saphriang ia ka khubor lamler halor ka injek iada corona, ka sorkar ka lah ban pynshitom tyngeh ia kine ki briew.

U Dr War u la ong ba ka ioh ka kot jong u paidbah ka dei ka ba donkam ban ia iaid lang ryngkat ryngkat ka khlam bad la ong ba man la ka sngi la iohi ia ka jingkiew jinghiar jong ki case, ha kaba ki peit ia ki briew kiba khlad na kane ka jingpang naduh u bnai kyllalyngkot haduh u bnai Rymphang na ki 8000 ngut tam, kiba khlad tang 400 ngut ki dei ki ba khlad na la jingpang Covid.

U Dr War u la ong ruh ba ha ka jingshim ia kine baroh bad haba peit ia ka jingai vaccine, kaba la pyniaid da ka tnad kan iada ia ki briew ha ka jylla bad kan sa don ka jinghiar jong kiba ioh pang ha ka jylla, lada ki bud pyrkhing ia ki protocol ba la buh.
U la ong ruh ba kat kum ka rai jong ka Supreme Court ka la kren shai ba kino kino kiba pynmih bad pynsaphriang ia ki khubor lamler halor ka Vaccination, ka sorkar ka lah ban pynshitom tyngeh ia ki.