Kiba plie dukan, ki dei ban long kiba la dep injek bad ki nongniah kali kamai ruh

Shillong: Ka Deputy Commissioner, East Khasi hills District, ka pyntip hynnin ka sngi, ba kito kiba plie dukan, ki dei ban da pyni shai bha, ba ki nongtrei jongki, ki dei kiba la dep shah injek iada corona virus. Naduh ka 24tarik Jylliew shaneng, yn nym shah ia kito kiba khlem pat dep injek, ba kin plie dukan.

La bthah ruh ia U District Transport Officer (DTO), ba un thaw lad ban pyniaid ia ki kali, naduh ka taiew ka ban wan, tangba ki nongniah kali kamai, ki dei ban long kiba la dep injek, la kumno kumno shisien.