Nongpoh:Hadien ba ka District Magistrate ha Ri Bhoi, ka la dep ban pynjari da ki kyndon Ain 144 CrPC ha ka District hi baroh kawei, kaba long kum ka jingmaham ia baroh paidbah ba ki dei ban deng ia ki Face Mask, ha ka por ba ki mih ha surok, ha ki jaka trei lem bad kiwei ki jaka, kaba long kum ka lad ban iada na ka jingsaphriang u COVID-19.
Hynrei wat hadien katei ka jingpynbna, ki dang don bun ki paidbah kiba dang iai pynkhein ia katei ka kyndon bad kaba kaba la pynlong ia ka DM ka Ri Bhoi, ba bsuh pat dang kiwei ki kyndon Ain ne ban dain kuna beit ia kito kiba mih surok khlem ki Mask.
Kumta hadien katei ka jingpynbna, kino kino kiba leh pynshah kin sa shah pynshitom katkum ki kyndon 188 CrPC, 195 CrPC/269 IPC bad kin sa shah dain kuna haduh T. 1000 lane ban shah patok haduh 6 Bnai.
Jingshisha ki dei ban sngewlem na ka bynta kiwei kiba duk, pynban kine ki khniang office ki nang tangban khwan. Ka tulop kaba ki ia ioh kim pat ia biang tharai. Ki kruiñ ka ri ngi ong ia kum kine ki jaitbriew. Jaboh.