Kiba leit ontep ia u rangbah ha Umsaw Nongkharai, ki hap shong khop 10 sngi ha iing

Nongpoh: Ka District Magistrate, Ri Bhoi District, Nongpoh ka la pyntip sha baroh kito kiba la leit ban rung ha ka iing jong I (Late) Bah Boldwin Sumer, Umsaw Nongkharai, Ri Bhoi District, la bthah ba ki dei ban shong pynkyrpang ialade ha la iing na ka bynta 10 sngi da kaba bud ryntih iaki kyndon kum kaba deng iaki mask, sait iaki kti man la ka por bad kumjuh ruh ban pyn ia jngai ialade na kiwei pat.

Ha kajuh ka por ki dei ban peit thuh iala ka kot ka khiah, lada jia ba ki don ki dak ki shin ha ka met kum ka Jyrhoh, shitmet bad shitom ha kaba ring mynsiem ki dei ban pyntip mar mar sha ka District Control Room No. 03638232028/1077 bad ha u Health Helpline No. 8797520449.