Kiba la leit sha Nongthliew PHC ki dei ban pynkyrpang ialade, ong U SDM, Mairang Civil Sub-Division

Mairang: Kane ka long ka jingpyntip paidbah ba ar ngut na ki nongtrei jong ka PHC, Nongthliew ki la ioh ia u khniang jingpang COVID-19 bad namarkata, la kyntu ia ki paidbah kiba la leit sha katei ka PHC ha ka 10 tarik u Jymmang, 2021 bad hadien kata ba kin shong pynkyrpang ialade na ka bynta 10 sngi.

Shuhshuh, lada don kino kino napdeng kiba shongpynkyrpang ialade ha la iing kiba khie shit, jyrhoh lane jynjar ban ring ne pynhiar mynsiem bad kumta terter, ki dei ban pyntip mardor lyngba ka phone sha ki number phone 94853-95373, 82579-46145, 76420-08817 lane 89740-37257.
Ia kane la pyntip paidbah da u Sub-Divisional Magistrate ka Mairang Civil Sub-Division, Mairang.