Nongpoh: Ka Deputy Commissioner ka Ri Bhoi Distrik, ka la pyntip paidbah ba kito kiba la leit ka Walk-in-Interview na bynta ka Post DEO, kaba la long ha ka 11 tarik mynta u bnai ha ophis ka DC Nongpoh, la kyntu ia ki ba kin dei ban leh ia ka Home Quarantine kaba 14 sngi lynter.
Ka nongrim kaba la pynlong ia ka DC Ri Bhoi ba kan kyntu ia kito baroh kiba la leit sha katei ka Interview, ba kin leh ia ka Home Quarantine, ka dei namar ba la don uwei napdeng kito kiba la leit sha katei ka Interview u la paw ba u la ioh COVID-19.
Namarkata ka ka DC Ri Bhoi, ka la kyntu ia kitei kiba la leit sha katei ka Interview, ki dei ban deng ia ki Mask kat haba ki don, ba pynjngai na kiwei pat bad ruh ban saitkti manla ka por. Ha kajuh ruh ka por ka la kyntu ruh ia ki ba lada ki sngew ba ki don ia kino kino ki jingsngew shitom, kum ka Jyrhoh, khie shit bad jynjar ha ka ring ne pynhiar mynsiem, ki dei ban pyntip mar mar sha ki number 03638232028/1077 ne ban phun sha u Help Line Number 8787520449.
Phi don ban ong eiei?