Shillong: U President ka NPP Meghalaya u Dr WR Kharlukhi u la kyntait ba ka la don ka jingrahbor ia u MDC ka GHADC u Boston R Marak kumba la paw ha ki lad pathai khubor.
Ha kajuh ka por, u la kam ba wat u Boston u la dep pynshai ba kam don satia kano kano ka jingrahbor ia u.
Haba kren myn hynnin ka sngi, u Dr Kharlukhi u la ong ba imat kito ki briew kiba kynnoh ba shah rahbor u Boston, ki shu pyrkhat beit tang ia ka NPP bad ka paw ba lada ki treikam ruh ki iohi tang ia ka NPP, lada ki thiah ruh ki iohi beit tang ia ka NPP.
“Lada jia eiei ki kynnoh tang ia ka NPP, kaba mut ki thiah ruh ki iohi ia ka NPP, ki trei ki iohi ia ka NPP bad lait tang nangta kim iohi eiei”, la ong u Dr Kharlukhi.
U la kam ba haba ki lad pathai khubor kila kylli ia u Boston Marak, ula ong ba kam don eiei ka jingrahbor. “Ngam tip naei ki ioh ia kane ka bym shisha ki ioh”, la ong u Dr Kharlukhi bad bynrap, ‘ka jingkynnoh ba rahbor ia u Boston kam dei kaba shisha hynrei kaba shu la thaw’.
Lah ban kdew ba la mih ha ki lad pathai khubor, ba ki briew ka NPP, kila rahbor ia u Boston na iing sah jongu shwa ban iatynjuh bor ha GHADC.
Phi don ban ong eiei?