Shillong:U MDC ka thain Rambrai ha kaba ka Langpih ka hap ha ka jingiakajia, u bah Bajop Pyngrope u la ong ba un pyrshang ban leit wad jingtip halor ka jingbym treh ki 9 tylli ki shnong ban wan sha Meghalaya kiba la hap ha ka thup jong ka Meghalaya katkum ka kaiphod 2011.
Haba kren halor ka jingiaid ka jingpyntyllun ia ka jingpynbeit ia u pud u sam hapdeng ka Assam bad ka Meghalaya ha ka kylla kaba ar, u bah Bajop u la ong ba u sngew kmen ba ka kylla ba nyngkong ka la iaid beit bad ka long kaba jop, hynrei ha kane ka kylla baar, u la pynpaw ba um pat tip kiei ki daw tynrai ba ki 9 tylli ki shnong kim kwah ban wan sha Meghalaya.
“Hooid, ki don katto katne tylli ki nongialam kim wan bad ia kita ngin hap ban iapeit ban pyrshang ban pynngeit ia ki ba ha kano ka lynti namar ba la pynshong nongrim ia kine ki shnong ki bym wan katkum ka thup kyrteng jong u snem 2011 bad na ka liang jong nga bad ka Hima ngin pyrshang ban pynngeit ia kito kiba khlem wan mih sha ka jingialang ka regional committee kaba la long ha ka sngi Thohdieng ha Nongstoin”, la ong u bah Bajop.
U bah Bajop u la ong ba kito ki shnong kiba pynpaw ba kim treh ban wan sha Meghalaya, ki dei ki jaitbynriew Rabha bad kiba bud ia ka niam Hindu bad ki kham sngew shngain sha Assam. “Kito ki shnong ba kwah ban leit sha Assam ki dei jaitbynriew Rabha bad ki bud ia ka niam Hindu bad nga sngew ba ki kham sngew shngain sha Assam bad kim thep vote shuh ha Meghalaya”, la ong u MDC ka NPP na Rambrai.
U la ong ba ki skhim ruh ki shim bad pyntreikam na ka sorkar Assam bad kine ki dei ki daw kiba la pynlong ba kin leit sha Assam.
Haba pyntip ba ki paidbah ha khappud kiba kwah sha Meghalaya kim treh shuh ia ka EPIC na Assam bad ki bat beit tang jong ka Meghalaya bad kane ka la jia hadien ba la leh ia ka jingpynbeit pud ha ka kylla ba nyngkong.
ka jingkren u bajop ka pyni shai ba ka don aiu re shadien..Ngim shaniah ia une u Dalal.U kwah long agent wat ban die iaka RI..
Lada jop biang kum kine tikna ka Ri Khasi kan don tang 10,000 sqkm