Shillong:Ka Association of Meghalaya Traders and Transporters ( AMTT) ka la ujor sha u Deputy Commissioner bad u Superitendent of Police East Jaintia Hills pyrshah ia ka jingkhaïi dewiong be-aiñ hapoh kaba jai ha katei ka District. Ha ka jingujor ba la soi da u bah Enrico D Pasi President bad u bah Dalangki Suiam General Secretary ka AMTT ka la ong ba ka jingkhang dewiong, kam shym la treikam satia ha East bad West Jaintia ha kaba man ki sngi ki trok kit dewiong ki iaid beit ban shalan dewiong ha ki bynta jong ka jylla bad sha Assam.
Katei ka seng ka la ong ba ki nongkhaïi dewiong be-aiñ ki dei kiba haing hasem bad ki briew kiba iajan bha bad ki briew kiba khlaiñ bor ha ka jylla. Ka la dawa ba dei ban pynsangeh shisyndon ia ka jingkhaïi dewiong be-aiñ khlem da kheiñ ia u ba heh ne barit, hynrei ban iaid katkum ki kyndon ka aiñ bad ban pynshitom ia kiba donkti.