Kiba ioh pang covid 19 ha India, ki la poi mynta sha ka 67 lak ngut, da ka jingdon sa 72,049 ngut kiba ioh pang thymmai bad 986 ngut kiba iap ha ki 24 kynta ba ladep.
Baroh kiba ih pang, ki la poi mynta sha ka 67,57,132, kynthup ia 9,07,883 ngut kiba dang don ha ka jingpang bad sa 1,04,555 ngut kiba iap, ong ka khubor na ka Union Health Ministry.
Kawei pat ka khubor, ka iathuh ba u nongai jingmut ba rangbah jong U Donald Trump, U Stephen Miller, ula ioh ia ka jingpang coronavirus bad katei ka pyni, ba ki la nang bun, kiba ioh ia katei ka khlam ha White House. U Miller, u dei uba ia kup shatri lang bad ka Hope Hicks, ha shwa ba kan ioh ia katei ka khlam.
U Donald Trump, President ka America, ula mih noh ha ka Lah sngi U Blei na hospital, hadien ba ula shah sumar tang 4 sngi, ha katei ka hospital, na ka khlam corona virus.
Phi don ban ong eiei?