Kiba iap jumai ha Afghanistan, ki la poi sha ka 2,445 ngut

Kabul: Kiba iap, na ka jingkhie jumai ha Afghanistan, ki la poi mynta, sha ka 2,445, ha kaba ka dei ka jingiap, kaba jubor tam ha katei ka Ri. Utei u jumai, u dei uba don ia ka thymmei jongu, kaba jngai, kumba 35 Kilometre shatei sepngi jong ka Herat bad uba khlain bor, da 6.3 magnitued, ong ka US Geological Survey (USGS) bad une u jumai, u dei uba pyniap ia bun bah ki briew, ha ki snem, ba mynshwa, ba kynthup ia ka Turkey bad ka Syria, ha kaba la antad, ba ki la don kumba 50 hajar ngut kiba iap ha kitei ki ar tylli ki Ri, ha U Rymphang ba ladep.

U Janan Sayeeq, u nongaiktien jong ka sorkar Afghanistan, u iathuh, ba ka jingiap, ka la poi sha ka 2,445 ngut bad kham hadien, u pynshai, ba kiba mynsaw, ki don 2,000 ngut, wat la kham mynshwa, u iathuh, ba ki don 9,240 bad u iathuh, ba ki iing, kiba la julor thiaw, ki don 1,320ngut. Ka jingiap, ka la jubor bha, ha kaba ka kiew sha ka 2,445ngut, na kaba la ioh jingkhein, tang 500ngut ha ka Sngi U Blei ba ladep.