Shillong:U nongialam ka National People Party (NPP) uba dei ruh u MDC ka Rambrai, u bah Bajop Pyngrope u la kawang maw tlam ia ka Voice of the People Party (VPP) ba kan ym lah ban neh slem namar ba sa tang katto katne por ki nongialam kin iapynkulmar para ma ki.
“Mynta da peit te, katkum ka jinglong ka pyrthei, ki VPP kin sa pynkulmar jingmut shwa ki nongialam para maki, namar ba ka politik kaba iaid ka VPP ngim lah ban pdiang namar ba ban long synshar donbor hi, kiba bun kiba lang kim lah ban pdiang bad kam lah ban neh slem bad ban wanrah ia ka jingpyniapher jaitbynriew, ki paidbah ka jylla kim lah ban pdiang”, la ong u nongialam ka NPP.
U bah Bajop u la ong ba ruh baroh shi katta, ka Voice of the People Party ka ialehkai marwei khlem don briew bad ki thep kol katba mon hynrei shen ka NPP ka la pynkhreh ban sa mih madan ban pynshai sha u paidbah halor ki prokram bapher bapher jong ka sorkar MDA-2.
“Baroh shi katta hadien ba la dep elekshon, u VPP u ialehkai kynjatbol marwei ha madan khlem don briew, u thep kol katba mon bad na kata ka daw, ngi na ka NPP, ngi long kiba khreh ba ma ngi ruh mynta ngin mih ban iaid ban pynsngewthuh ia ki paidbah, kiei ki prokram ka sorkar MDA-II ka leh na bynta u paidbah jong ngi”, u la bynrap.
U la kyntait ia ka jingong ba ka NPP kam pat lah ban suhthied ha Khasi bad Jaintia Hills tang namar ba ka jop duna ki MLA. “Ha 2018 ka NPP ka ioh 18000 na Khliehriat, ha Sohiong ngi rem elekshon hynrei ngi ioh 13000 vote, ban ong ba kam suhthied ym lah ban pdiang bad ka NPP ka dei ka parti kaba ioh bun tam ki vote ha ka jylla ban ia kiwei katkum ka rekod ka election commission”, u la ong.
Ha kajuh ka por, u la ong ba ki samla kim dei ban shu shaniah tang ha ki kam sorkar namar ba ha ka shi snem ki kam sorkar ki lait tang kumba 2000 eiei hynrei ki samla ki dei ban shim kabu na ki prokram ba la wanrah ka sorkar ban ieng ha la kijong ki kjat jongki.
“Hooid, ka khih ka pyrthei na ka Reservation Policy hynrei ka jingshisha, ki khun samla kim pat iohi haduh mynta, katno tylli ki kam sorkar ba ka sorkar ka lah ban ai ia ki samla, ka MPSC, DSC katno tylli ki kam kiba lait ha ka shi snem, bad ha ka shisnem ki kam ba lait ki don 2000 tylli eiei baroh ki tnad sorkar. Hynrei u Myntri Rangbah u Conrad K Sangma u la wanrah bun ki prokram ban ai jingmyntoi ia ki samla, ym ban shu ap tang ia ki kam sorkar”, u la ong u bah Bajop.
Ka NPYF kaba iashong jingialang mynta ka sngi kala iakren iathir ban bishar ia ka elekshon kaba la dep ban ioh ia ki jingai jingmut ha ki jaka ba ka rem bad la ioh ban iakren bun ki mat, bad la ioh bun ki jingai jingmut kumno ban pynkhlain shuh ia ka party.
ha nga marwei te nga sngew ymdei kumta… ha ki por ba la leit ktno snem nga ioh ban mad ia u soh jong ka sarkar npp, ngm shem ba u dei u ba thiang haduh ktta2,namar ktta bun hi ki briew kiba kwah ban kheit ia u soh jong ka vpp pat u long kmno ioh u dei shisha u soh bathing jong ki rilum… lada ngim ailad ia kiwei ki party kmno kein ngin tip kiba shynshar mynta ki long kiba seisoh ne kim lerkam eiei ne…
Mem tip Bajop ne Barem ka NPP ka la beh kam ia ki pli ki 1200 ngut ki Nonghikai govt LP Skul…hato ka NPP ka shun thlong mluh thlong syieng ia kine ki pli ki Nonghikai???
Nga te da lei2 ngam shaniah ia me Bajop ne barem ruh, kiwei te ngam tip, don bok ba men rem noh. Baroh2 ha u Pran lng katba long jia katba jia ha u PRAH beit.
Teng² nga I ka politic ha Meghalaya lah I long kamkai hateng² ,namar balei? ba la jur ka jingrhah bor rhah burom..teng² ïaroh teng² kynnoh,,iano keiñ ngin shaniah?ka era lane kata raibi Jong ka jing shet kylla(betray)imat kam pat kut ka dang hiar pateng (Inherit)haduh mnta mynne…nga shu ai suggestions ia ki nongthaw ain (legislator) ba la elect da ngi ki paitbah: makes the law to build the interest of the people of the state not to makes law to throw the mud to anybody, it’s not good at all…