Ki trai shnong, kim ioh kam ha ka jingtrei surok Mawtari Myrdon

Shillong:Ka Ri-Bhoi Youth Federation (RBYF) kynthup ruh ia ka Umsning circle, ki la mih shakhmat ha dien ba ki la pynpaw ia ka jingbym hun ia ka jingpyntrei ia ka surok kali na ka bynta ka jingpynkhreh ia ka Synod rangbah jong ka RBP Synod ha Mawtari Myrdon.

Katei ka lympung jingiaseng bah ka balang kan long mynta u bnai Lber ban wan, bad ka jingpynkhreh ban pyntrei shaid shaid ka dang iaid shaphrang khamtam ia ka surok kali ba la sniew bad kiba dang pom thym mai ruh.

Ka RBYF kam hun satia ia katei ka jingpyntrei hadien ba la don napdeng ki kontraktor kiba ym shym la ioh kam, hynrei kaba lyngngoh ka long ba ki kam pat ki iaid shaid shaid, wat la ki trai shnong kiba la register kontrak ha ophis u EE PWD (Rd), Umsning kim shym la paw kyrteng satia ban ioh jingtrei ha katei ka surok kali kaba jlan na Umran sha Myrdon kumba 10.5 km eiei.

Ka RBYF lyngba u Bah BP Thangkhiew ka buh jingkylli, mano ba iohbhah ia ka skhim surok haba ki kontraktor ba dei hok kim ioh, bad halor kane kan pan da ka RTI ban lap ia ki jingshisha bad ban thad madan syndon.