Jowai: Ki Trai iing ba ai iingwai ia ki Nongbylla sngi kiba trei ha ki kam bapher bapher naduh ki kam jong ki Contractor, ki kam tei iing, ki ba bylla ha ki kharkhana kim dei ban siew ia ka bai iing sha ki trai iing na ka bynta shibnai.
Kane ka long katkum ka hukum ba la pynmih da u DC ka West Jaintia Hills haba pyntreikam ia ka hukum jong ka Supreme Court bad ruh ka Tnad Kam Pohiing ka sorkar kmie.
Katkum katei ka hukum ba la pynmih mynta ka sngi, la bthah ruh ia baroh ki nongai kam bylla ia ki nongbylla, naduh ki Contractor, ki Company Kharkhana bad ki kam shna iing bad kiwei kiwei kiba dei na bar jylla ba ki dei ban siew ia ka bainong jong ki pura shibnai wat lada kim ioh ban leit trei ruh na ka daw ka jingkhang kyrdep ka ri India ban iada na ka jingsaphriang u Khniang jingpang Corona.
Na ka liang u DC ka WJH u la khmih lynti ba kine ki nongai kam bylla bad ki trai iing kin ia treilang kum ka jingiarap para briew ha kum kane ka por ba ka ri India ha ryngkat kiwei pat ki ri ha shi tyllup ka pyrthei ki ieng tylli ban ialeh pyrshah ia u Khniang jingpang ba la saphriang na ri China sha kylleng ka pyrthei ha kaba da ki million ki la ioh pang bad palat 65000 kiba la iap.
Ki khynnah skul ba sah iingwai kumno…?
Kum no Pat ma ngi ki khynnah skul ngin hap ne em ban siew bai iing wai sngew bha ia kren lem seh.
Kum ia ngi pat ki khynnah skul ba sah ing wai? Ialeh kumno mo
Ki trai iing ba im ja tang na ka pisa ba ioh na ki nong shongwai pat kyn im kumno?? Da pynbiang pisa ka sorkar ia ki te ka biang
Ia kiba wai dukan pat kumno namar ka dukan ruh hap shu khang Beit