Shillong:U myntri rangbah ka jylla, U Conrad K Sangma, u la ia thuh ba bun na ki tnad jong ka sorkar mynta ki la iaid shait shait ka jingpynrung kam ia ki briew ha ka jylla.
Haba ia kren bad ki lad pathai khubor u Myntri rangbah u la ong “Ka ingbishar ka la bthah ba ki tnad kiba la lah ban pynbeit ia ka Roster System ki la lah ban iaid shakhmat ia ka jing thung kam ha ki tnad jong ka”.
“Hynrei ha kawei pa kawei ka tnad, ka Roster system ka iapher namar ba ki tnad ba kham heh kin dang shim por, namar ba kin hap pynbiang ia ki kaiphot roster system naduh u snem 1972, kumta haduh mynta kine kin dang shim por” u la bynrap.
“Ngan kren shai ba mynta kam don shuh kano kano ka jingpynthut na ka bynta ban thung kam bad ban jied ia ki nongthep kam, hynrei ka wei ka kyndon ka ba ki dei ban buh ka long ban pynbiang ia ki Roster System”.
“Ki don ki tnad kiba la dep ia kane, ki la iaid shakhmat ban thungkam, hynrei ki dang don ki tnad namar ba ki dei ki tnad ba heh kin dang shimpor namar ba kim pat lah ban pynbiang ia ki roster system”la ong u Myntri rangbah.
“Na ka liang jongnga, ngan pynthikna ba ki tnad baroh kin shim khia ban pyndep kloi noh ia ka roster system khnang ba kan don ka jingiaid ryntih ia ki jingthung kam ha ka jylla”la bynrap u Sangma.
Phi don ban ong eiei?