KI SUNSCREEN: KI JINGSLEH KIBA LAH BAN AI JINGIADA BAD KIBA AI JINGMYNTOI IA KA SNIEHDOH JONGPHI

Kong Linda Kongwang

Ki sunscreen kidei ki jait jingsleh kiba biangtam na ka bynta ka sniehdoh bad kiba lah ban treikam bha naka bynta ban iada naka jingshah ktah bad ka jingshahthang ka sniehdoh naka daw jong ka UV Ray’s kiba khlainbor kiba pynsniew noh ia ka sniehdoh jongphi.

Ka jingshah palat haka sngi kadon jingiadei halor ka jingsniew noh ka sniehdoh bad kalong kaba donkam ban sleh iakine ki sunscreen manla ka sngi khamtam haba ka sngi ka thaba bad phyrnai. Ia kine ki sunscreen la ju tip ruh kum ki sunblog lotion kiba lah ban ialeh pyrshah iaki radiation UV Ray’s bad kiba lah ban iada naka jingshahthang haka sngi. Watla ka suinbneng kalong dum bad tap lyoh, hynrei ban tah iaki sunscreen kalong kaba donkam shibun eh. Sleh iaki sunscreen sha baroh ki bynta jongka met khamtam haki bynta ba paw shabar ka dkhotmet kum haki durkhmat,ki kti bad ki kjat. Haba tah iaki sunscreen, kynmaw ban tah 15 minit shuwa ban mih shabar, bad sleh iaki manla ki 2 kynta. Kane ka iarap bha iaka sniehdoh ban phuh bad itynnad.

KUMNO KI SUNSCREEN KI LAH BAN AI JINGIADA IA KA SNIEHDOH JONGPHI

1. PYNDUNA IAKA JINGMA BAN SHAHKTAH NAKA JINGPANG BAMPONG HAKA SNIEHDOH (SKIN CANCER):– Phi dei ban sngewthuh baki sunscreen kilong kiba donkam naka bynta ban pynduna naki jingma ban shahktah naka jingpang bampong haka sniehdoh (skin cancer). Ki treikam bha ha kaba iadei bad ka jingduna ban ioh ia bunjait ki jingpang bampong haka sniehdoh kynthup iaka Melanoma kaba pynlong naka daw jongka jingshah palat haka sngi bad haki UV Ray’s kiba ktah shibun iaka sniehdoh. Ka jingpang bampong haka sniehdoh ka pynsniew bad pynmong iaka sniehdoh haduh katta katta bad ka buh jingma shibun khamtam iaki kynthei. Kito ki kynthei kiba don haka rta kaba 20 snem shaneng ki kham shahktah nakane ka jait jingpang Cancer. Namarkata ka jingpyndonkam iaki sunscreen manla kasngi kalong kaba bha tam ban pynduna naka jingma ban shahktah naka jingpang bampong haka sniehdoh. Phidei ban don iaka jingmlien ban tah iaki sunscreen manla kapor khamtam shuwa ban leit jingleit, haba mih na iing, haba jngi um bad wat haba ka suinbneng ka dum ne slap ruh. Phi lah ban pyndonkam da kita ki jait bioderma photoderm max product ban pynthikna baki don kyrhai ka UVA lane ka UVB naka bynta ka jingmyntoi jongka sniehdoh. Kine ki jingsleh ki don iaka rong blad ba malu mala bad kiba ymdon jingktah bad ka jinglong jem hakine ki jingsleh ki iada iaka sniehdoh jongphi bad ha kajuh ka por ki pynphuh ruh iaka sniehdoh jongphi.
2. KA SUNSCREEN KA IARAP PYNITYNNAD IAKA SNIEHDOH JONGPHI:—- Sngewthuh ba ka jingbymlong itynnad jongka sniehdoh jongphi kadei kaei kaei kaba ym baroh kilah ban shah ne ban iohi. Ka jingbymphuh itynnad ka sniehdoh ka pynlong iaka durkhmat jongphi ban iblad, dum, ibiej bad thait. Borabor ki sunscreen la shna kyrpang naka bynta ban iarap pynitynnad iaka sniehdoh jongphi. Kine ki jingsleh kiba ai jingiada naka bynta ka sniehdoh ki treikam bha ban lait naka jingduh bad blad rong noh haka sniehdoh bad ban pynjah iaka jingmih khniang haka durkhmat kaba lah ban dei naka daw ka jingshah palat haka sngi lane naka jingthang la sngi. Nakata, la ai jingmut ba phin pyndonkam da u sunscreen uba bha ban ioh iaka sniehdoh kaba jyllih bad itynnad. Nalor kine ki sunscreen, ki iadei ban pyniahap bad ki facial brown spots. Ban sleh iaki sunscreen kalong kaba donkam bad kaba biang naka bynta baroh ki jait sniehdoh, khamtam kito ki briew kiba don iaka sniehdoh kaba stang.
3. KI SUNSCREEN KI LAH BAN IALEH PYRSHAH NAKA JINGRING STI HAKA SNIEHDOH:— Kine ki jait jingsleh kidei kiba biangtam ban iada naka jingring sti jongka sniehdoh. Phi lah ban sngewthuh bha ba ka jingshahktah ha ka UV rays kalah ban dei ka daw jongka jingshahktah jur ka sniehdoh jongphi kaba lah ban neh slem ruh. Ka jingshahthang haka sngi kilah ban mih paw shabar ka sniehdoh jongphi. Kine ki dak kilah ban paw kum ka jingrben, sohkhruh bad blad rong haka sniehdoh. Kine suki suki hadien kilah ban ialam shaka jingring sti, sahdak bad paw lain haka durkhmat. Lada phi thrang ban ioh iaka met bad ka durkhmat kaba iphuh bad I samla, phi dei ban sdang noh mardor ban sleh iakine ki sunscreen manla kapor wat haka por khriat ruh. Katkum ka jingwadbniah lashem ba kito kiba ju pyndonkam ia ki sunscreen ki duna da 25% ban shahktah ka sniehdoh ban iakito kiba ym ju pyndonkam.
4. NALOR BAROH KI SUNSCREEN KI AI JINGKOIT JINGKHIAH IAKA SNIEHDOH:— Ki sunscreen kidei kiba ai jingmyntoi shibun naka bynta ka jingkoit jingkhiah jongka sniehdoh. Lada phi kwah ban kyntiew iaka jingkoit jingkhiah jongka sniehdoh, phi dei ban sdang noh shi syndon ban pyndonkam iaki jingsleh sunscreen. Kine kilah ban ialeh pyrshah bad ban iada iaka sniehdoh naka jingthang ka sngi naka jingshahktah haki kjatsngi, iada naka jinglong tyrkhong bad blad rong haka sniehdoh, bad ha kajuh ka por kilah ban iada naka jinglong saw bad dait ka sniehdoh jongphi. Ki sunscreen laju pyrshang ban shna naka bynta ban ai jingiada iaka protein kiba donkam kiba don haka sniehdoh jongphi kum ka Keratin. Kaba kongsan kalong ba ki protein ki shim iaka jingkitkhlieh ban pynphuh bad ban pynjyllih iaka sniehdoh jongphi. Kito ki bymju pyndonkam iaki sunscreen, phi lah ban pyrshang sleh lane tah noh iaki ban sakhi iaka jingkoit jingkhiah bad ka jingphuh itynnad jongka sniehdoh jongphi. Khublei.