Shillong:Ka sorkar jylla lyngba ka Tnat Directorate of Animals husbandry and Veterinary, ka la iathuh ba yn sa bteng ban sam sha ki nongrep, ia ki khun sniang ban kyntiew shuh shuh ia ka ioh ka kot jong ki, kum shi bynta ka dei ruh ka thong jong ka sorkar ban iarap kyr pang ia ki nongrep ha ki thain nong kyndong lyngba ka skhim National Rural livelihoods mission (NRLM).
Haba iakren bad ka Director jong kane ka tnat, ka Dr Arwaka Laloo, ka iathuh ba ha ki artylli ki blok lah dep ban sam sha ki nongioh jing myntoi, kata ka long ha Mawryngkneng blok bad ha Mawsynram blok.
Ka sorkar ka la ai haduh 4tylli ki sniang, sha uwei pa uwei u nong ioh jing myntoi, kata uwei u sniang shynrang bad 3 ki kynthei.Haba kylli la ka tnat kan bteng ban sam ne lano yn pyndep noh ia kane, ka kong Laloo, ka la ong ba kan dang shimpor; hynrei na ka liang ka tnat kan sa shim khia ban pynpoi bad ban iarap beit ia ki nongrep ka jylla la ka long da kumno kumno ruh.
Haba kylli pat ia ka jingiap jong ki katto katne ki sniang, ka Director, ka la ong ba ka jingiap kam dei ba ki pang ki sniang hynrei ka dei beit ba la kit ia ki na ka ja ba jngai, ka lynti ba jngai kata na ka jylla West Bengal, hynrei na ka liang jong ka tnat ka la peitngor bad shim khia kumno ban peit bad phikir bha ia ka koit ka khiah jong kine ki khun sniang da kaba peit bniah ia ki syrnod ka koit khiah jongki khun sniang bad wat ki doktor veterinary ruh ki peit bha.
Ka jingsam ia kine ki khun sniang katkum ka ka jingiathuh hi ka long 500tylli, ha kawei pa kawei ka blok. La iathuh shuh ba kine ki sniang ki shongdor kumba 6000 tyngka kawei ka sniang kynthei bad 6500 uwei u khun sniang shynrang. La iathuh shuh ba ka ophis hi ka la ai da ki phom sha ki nongioh jingmyntoi ba kin ai jingtip sha ophis la kine ki sniang ki pang ne ki long kumno kumno khnang ban pynsuk ia ka tnat ban wan peit wan jngoh.
La iathuh shuh ba ki ïing sniang, hi ka sorkar ka la iarap na ki ophis blok.
Na ka liang jong ka Tnat hi ka ai jinghikai ruh ia ki nongrep ban iathuh bad batai bniah ba kumno ban sumar bad peit khnang ba kine ki jingri, ha kaba wat ki training ruh ka Tnat ka ai.
Haba kylli haduh katno klur ka sorkar ka mang pisa ia kane, na ka liang jong ka tnat kam pat ioh jingkheiñ lut ia baroh.
La iathuh shuh ba ki ne ki khun sniang ba lai bnai 4bnai bad ka tnat ka ai beit tang kiba khlain ia kiba ki doktor na ka tnat kim i bit bad ka tnat hi kan pynphai sha ki jaka ba ki thied.
Ha ka jingshisha ka sorkar ka dei ban buh quarantine (buh kyrpang) Shi taiew ia ki sniang ba wan na bar khnang ba ki doctor kin lah ban eksamin bad peitbniah ia ki sniang la ki long ne em kiba koit ba khiah, lane kiba bit ne em ban Sam sha ki nongrep. Hynrei ka jingsam ia ki sniang ka long Kumba Sam Blanket sha ki paidbah khlem Da bud katkum ka sop. Kane ka pynpaw ba wat ka department Kam tip imat ia ka rukom sumar ia ki sniang ba wan na bar.
Hangne sma scandal…6000 khun sniang na shabar not possible…