“Ki sngi kiba khadduh, ki long mynta!”

AIS Suja

Ki sngi kiba khadduh, ki la long mynta. U Apostol Paul ha ka shithi kaba ar sha u Timothy, u pyntip bad pynkynmaw ba kin wan kita ki por ba shitom, bad u Paul Apostol u la thoh dalade ia kane ha ki snem 64-66 A.D ne hadien u Khrist. Ka mut ba u Jisu u la kiew noh sha bneng ha u lyoh.
Ka jingong kaba ong – “Kin wan ki por ba shitom. Kane ka la jia mynta ha ngi ha kane ka pateng ba mynta. Ym shuh kata ka ban sa wan hynrei, ka la wan bad ka la jia ruh thik kumba ong ka ktien u Blei. Kumta ngim lah shuh ban ong – “Ba kin wan ki por ba shitom” namar ka la wan bad iohi da la ki jong ki khmat “Ia kata ka por ba shitom”. U Apostol Paul haba u kren u kdew sha kane ka juk kaba mynta, u kren ym na lade hi hynrei da ka jingpynpaw u Mynsiem U Blei ha u. ha kaba ki por ba shitom kumba long mynta ba ki briew ki long kiba ieit sbai, kiba kren sarong, kiba leh khraw, kiba kren sniew, ki bym kohnguh ia ki kmei ki kpa, ki bym sngewnguh, ki bym khuid, kiba khlem suidniew, kiba runar, kiba khlem mab, kiba kren siar, kiba khlem ieid ia ia ka kynja, ki bym ieit ia kaba bha, ki nongdie lok, kiba hangmei, kiba lehmeng, kiba ieit ia ki jingsngewbha ban ia kaba ieit ia u Blei. Ki don ka dur ka jingriewblei, hynrei ki len ia ka bor jong ka. 2 Timmothy 3:1-5.
Haba bishar bniah ia kaei kaba ka ktien u Blei ka la kren, ngin iohi hange ba kane ka por ne juk ka long thik kumta. Kiba ieit tang ialade, kiba ieit spah, kiba ngeit ne bymngeit ki ieit spah namar ki ong – ka juk beh spah. Kiba kren sarong kren kop ialade ki bym don ka mynsiem sngewrit, hynrei leh khraw leh baheh ym don ka jingpynrit, hynrei ka tnga beit, kiba kren sniew ktien sih ktien sang ym don ka rain ka rem, ki bym kohnguh ia ki jingsneng jingkraw ki kmie ki kpa, iaid ha ka mon lajong ha ka ktien ka thylliej ka riam ka beit, ka leit ka wan, leh sngewbha paralok tip shano yn poi ki bym sngewgnguh wat haba la leh bha ia ki ne iarap ia ki kim sngewnguh hynrei leh klet pynban. Ki bym khuid, ki bym don ka jinglongsngur ha ka mynsiem ka dohnud hynrei kiba arsap markongpong, kiba khlem ieit ia ka kynja, ki bymieit ia ka jaid ka kynja ia kiba la kha hi. Tang ban ioh pyn sngewbha ha ka jingawria ka met kiba khlem mab ki bym don mynsiem jingsngewlem jingiamab parabriew hynrei ka khmat namar ka khmat. Kiba runar, ki nongiakajia, nong iashoh iadat bad pynmynsaw parabriew, ki bym ieit ia kaba bha, hynrei ki ieit tang ia ki kam sniew bad kim shah shkor ia kiei kiei kiba bha ha kane ka jingim ki nongdie lok, hawei kren da kumwei, hawei kren da kumwei, hajan i kum kiba bha hynrei ki die tad dor ia la ki parabriew da ki ktien shu thaw ban ia pynsniew. Kiba hangamei, kiba kat nga kumba ong u Lucifer, ym don ba kat nga ne kum nga ia kiei kiei ka hanga beit. Kiba leh meng leh sarong sngew standard ialade sngew Hi-Fi. Kiba ieit ia ki jingsngewbha ban ia kaba ieit ia u Blei, kiba ka jingim jong ki ki wad ia ka pleasure ne jingsngewbha la ka dei ha ka iaid ka ieng ka bam ka dih enjoy beit ym tip kynthei ym tip shynrang ban pynhun ia ka met bad ka jingkwah brai ka met. Shisien peit i kumba ki long dur riewblei hynrei pynban ki soitan, long suri kup snieh langbrot ban pynjot ia kiba lui lui. Ki len ia ka bor jong ka jinglong riewblei haba kim kohnguh ia ka ktien u Blei hynrei iaid ha ka bor sngewthuh lajong. Ki ong ba ki long ki bangeit ha u Blei hynrei ki kam ba la leh, ki long kam soitan. Kumta ki iehnoh kein ia ka Bor u Blei bad pyndonkam da ka bor soitan ha ka jingim baman ka sngi. 2 Timothy 3:1-5.
Kine ba la kdew haneng, ki jia shisha ha ki sngi ba mynta. Kumta kumba ong u Apostol Paul ba haba ngi iohi ia kiba kum kine ki jinglong ba don ha u briew to tip ba ki long ki sngi kiba shitom ki sngi kiba eh ban kren ban pynsngewthuh. Ka ktien u Blei ka ong ba haba phin iohi kiba kum kita ki sngi, to tip ba ki long ki sngi kiba khadduh (end times). Ka jingong ka ktien u Blei ka dei kaba shisha. Hato ym dei mo kumta ha kine ki sngi? Hato kim dei mo kita ki por bashitom ki long mynta, bad to tip kiei ba la thoh ki hap ha ka pateng ba mynta, bad to tip ba ka long ka por kaba shitom ban pynbeit ban ia kren namar ki briew ki ieit TANG IALADE, ka jong kiwei mat ia dep shato. Kaba shyrkhei ka long ba lyngba kane ka rukom jinglong ki briew, ki dei pynban. Ki SNGI BAKHADDUH. Kumta to tip bad to sngewthuh kaba kut kan poi. 2 Timothy 3. Kumta lyngba kane ka jingman ki briew ngi tip ba ngi don ha ki sngi kiba khadduh. Ban tip shuh shuh, ba kine ki long ki sngi kiba khadduh ngin peit aiu u Daniel u la iathuhlypa u da ong – “Haduh ka por jong kiba kut kein: Bun kin long ki ban phet shane shatai, bad ka Jingtip kan roi”. “But Daniel, keep this prophesy a secret; deal it up, so that it will not be understood until the end Times, when TRAVEL AND EDUCATION shall ba vastly INCREASED”. Daniel 12:4.
Hangne ka shai shuh shuh ba pleng ngi don ha ka pateng (Generation) kaba khadduh bad ha ki SNGI KIBA KHADDUH, namar ngi la iohi da la ki khmat ia ka jingroi ka jingstad (education) ba ka jingstet ka leit ka wan ha ka juk mynta ha sawdong pyrthei. Kine kim dei kiba shu jia ryngkhat (accident) hynrei, ka por ba la buh beit da u Blei bad ym lah lait na kata.Ki jingshisha ki paw, ka ktien ba u Blei u la kren ka jia bad ka jia ba yn ioh pyndep katkum ba la thoh ha ka Bible.
“Kane ka Pateng bynriew kan ym leit noh TAD YNDA la pyndep noh ia kine kiei kiei baroh”. Mathaios 24:33.
“Te kumba la long ki sngi u Noah, kumta u Blei un pynjot ia ka pyrthei da ka jingshlei um, ki briew ki long kiba sniew ki wad ia ki jingsngewbha (Pleasure) bad klet ia u Blei. Kumjuh ki long kine ki sngi ba mynta bad na kane to tip BA KI LONG KI SNGI KIBA KHADDUH.