KI SHYIENG

Kong Linda Kongwang

KI SHYIENG:- Katto katne ki Nutrients kiba phi donkam na ka bynta ka koit ka khiah jongki shyieng.

Ka Osteoporosis kadei ka jingshitom kaba buh jingma halor ka koit ka khiah jongu briew bad kalah ban ktahbiaki million ngut ki briew ha satlak ka pyrthei. Kane ka jingshitom ka wanjia haba ka met ka sdang ban duh bun ki tissues kaba wallam ka jinglong jem haki shyieng bad kalong ruh ka daw halor ka jingkdiah, shroiñ lane tlot noh ki shyieng. Kane la jingpang kadei kaba buh jingma halor ka jinglah ban treikam manla ka sngi. Lada phi mad ia kane ka jingshitom manla kapor, kalong kaba donkam ban phikir bad sumar bha halor ka koit ka khiah jongki shyieng bad shimkhia ruh ban sumar ia baroh ki bynta jongki dkhotmet naka bynta ka jingkoit jingkhiah ba pura.

Ban iada ialade na kane ka jingshitom bad ban ioh ki shyieng kiba khlain, ka jingjied iaki jingbam kiba riewspah da ka jingdon ki nutrients kiba lah ban tei kalong kaba donkam halor ka jinglah ki shyieng ban treikam bha. Ka jinglah ban pynkylla iaka rukom bam jongphi kalah ban wallam shibun ki jingmyntoi bad ka jingjied iaki jingbam kiba dap kyrhai daki nutrients kiba donkam ka iarap ban tei bad aibor halor ka koit ka khiah jongki shyieng. Kidon katto katne ki nutrients kiba phi donkam bha ban kynthup manka sngi haki jingbam jongphi ban lait naki jingshitom kum ka Osteoporosis.

Kine harum ki long ki nutrients kiba kongsan naka bynta ka koit ka khiah jongki shyieng.

1. KA CALCIUM:– Ka jingdon iaki shyieng kiba jem bad tlot bunsien la ju sakhi naka daw ka jingduna ban don ka Calcium haka met. Ka Calcium kalong kaba kongsan halor ka jingtei iaka koit ka khiah jongki shyieng bad noh synniang shaka jingtreikam pura jongki thied bad ki dohksah. Lada phi dei napdeng kito kiba mad ka jingduna ban don ka Calcium haka met, phi lah ban jur ka jingmad halor ka jingkhein bad troiñ noh ki shyieng bad kiwei de ki jingpang kiba lah ban ktah iaki shyieng. Ka met jingngi ka pynmih iaka Calcium lyngba ka umpynjhieh, step, shniuh, painkhana bad kiwei de, namarkata kalong kaba donkam ban pynioh bun ka Calcium haka met ban lait naki jingpang shyieng. Ki jingbam kiba kyrhai ka Calcium ki kynthup ia ka dud, ki dohkha Sardine, ki sla jhur jyrngam ki soh tyrkhong bad ki jingbam ba ioh naka duh ki long napdeng kiwei pat ki jingbam kiba jur ban don ka Calcium.
2. KA VITAMIN D:— Katkum ka jingwadbniah naka jingpule bala pynmih haka Journal of American Medical Association, ka Vitamin D la jutip ruh kum ka sunshine Vitamin. Kane ka Vitamin la ngeit ba ka lah ban pynduna iaka jingma naka jingpang shyieng (Osteoporosis) bad kadei ruh kawei naka jait nutrients kaba kongsan bha ka balah ban ai jingiarap halorvka jingtreikam bha ka Calcium.
3. KA VITAMIN C:— Ka Vitamin C la jutip ba kadei kaba aibor bad pynkhlain iaka bor met. Kane ka nutrients kadei kaba riewspah ka jingdon ki antioxidants ka balah ban iarap halor ka jingtreikam bha hapoh ka met. Kadei ruh kaba lah ban iarap halor ka jingkjit iaka Calcium. Halor ka jingkoit jingkhiah jongki shyieng, ka Vitamin C ka paw ba kalong kaba kongsan halor ka jingthaw bad pynlong iaki collagen, kuba shim iaka bynta kaba khraw halor ka jingkoit jingkhiah jongki shyieng. Ki jingbam kiba phi donkam ban kynthup ban don kane ka Vitamin haka met ki long kumki soh citrus, strawberries, sohniamtra,u Phil jyrngam bad kiwei kiwei de.
4. KA PROTEIN:— Kalong kaba donkam ban kynthup bun ka protein haki jingbam jongphi naka bynta ka koit ka khiah jongki shyieng. Kadei kaba kongsan naka bynta ki tissues bad ki dohksah. Ka jingduna ka protein kalah ban pynduna iaka jingkjit iaka Calcium, pynjur la jingma halor ka jingkdiah jongki shyieng bad ka lah ruh ban pyntlot ka jingtreikam ki shyieng hapoh ka met. Kynthup ki jingbam kiba bun ka protein haki jingbam ba manla sngi naka bynta ka koit ka khiah jongki sshyieng. Ki jingbam kum ka pylleng, ka dud, ki sla jhur jyrngam, ki symbai, ka doi, ki nuts, cheese, phresbin, u dai bad ki oats kidei kiba don kyrhai ka protein haki.
5. KA ZINC:— Ka jingduna ban pynrung iaka zinc naki jingbam ba manla ka sngi, kalah ban ialam sha ka jingsuk haka jingsan jongki shyieng. Ka jingioh bun ka zinc kalah ban ai jingiada halor ka jingduh ki shyieng bad kiwei de ki jingshitom. Ki jingbam kiba bun ka zinc kum ki phresbin, ki soh ehsnep, ki jingbam symbai, bad ka dud kiba phi donkam ban kynthup haki jingbam naka bynta ka jingkoit jingkhiah jongki shyieng.

Khublei.