“Ki sengbhalang, la kum ki tit ha Meghalaya, ngi dei ban long ki tit ba long bam”

Shillong: “Ki seng bhalang ki la bun kum ki tit ha Meghalaya hynrei ngi dei ban long ki tit ki ba long ban bam ym kum ki tit ba long bih ia ka jait bynriew,” la ong u samla A S Iawphniaw, u ba long u nong pyniaid ia ka jingialang plie pyrda ia ka seng Meghalaya Indigenous People’s Front ka ba la long  mynta ka sngi ka 10 tarik u Jymmang 2019.

U kongsan ha ka ne ka sngi u long u Professor Sylvanus Lamare katba u symbud kongsan pat u long u Kyrmen Uriah.

Ki mat ki ba kane ka seng ka buh ha khmat eh kalong ka kam u pud u sam, ban khmih ia ka Khaii pateng namar ka la hiar, halor ka eh ka shon ia ki nongrep, halor ki skim bapher bapher jong ka Sorkar, ka Mining Policies, ka Jinglong trai halor ki khyndew ki shyiap, ka jing kyntiew halor ki kam pynroi, ban pynrung ia ka ktien Khasi ha ka ha ka khyrnit kaba 8 (Eight Schedule) ban pynioh jingithuh iaka ktien Khasi.

Ha ka ne ka jing ia lang la pyn bam smai ruh ia ki 22 ngut ki dkhot bad ki nong kit kam.

          Ia ka kam  President jong kane ka seng ka ba thymmai la pynkhamti ha u Danny Dunnai kat ba ia ka kam General Secretary pat la pynkhamti ha u samla Donbok Khongsit.

          Kumba ju long hi khnang ba ki kam ki jam kin iaid beit iaid ryntih la bynshet ruh ia ka lyngkor Joint Secretary ha u Bantei Sawkmie, Finance Secretary ha u Batei Thangkhiew, Organising Secretary Steward Malngiang, Asst Organising Secretary David Mawlong, Publicity Secretary Batkupar Khongwir, Asst Publicity Secretary Pyniar K.Syiemiong, Education Secretary Syrpailang Kharkongor, Asst Education Secretary Skhemborlang Langstieh, Discipline Secretary Rick Nongsiej, Asst Discipline Secretary Ricky Biam, Sport Secretary Marbiang Nongbri, Asst Sport Secretary Wanseibor Malieh bad ha ka juh ka por la pynbam smai ruh ia ki phra ngut ki wei pat ki dkhot ia ki la tip kum ki Indigenous Member.