Bah RM Shabong
Ha kane ka saw ka sian jong ka jylla, ngi iohi, ba ki don ar jait ki kynhun kiba iarap ia ki paidbah bad kitei ki long (i) ka kynhun kaba leit pynnoh jingiarap sha ka pla jong u myntri rangbah (ii) kito kiba leit pynnoh jingiarap hi sha ki riew paidbah da ki marbam.
Haduh mynta, ngim pat ioh jing ujor ia ka jing ai jingiarap, kaba leit sha ki paidbah, namar ba ym pat don ba kynthoh eiei, la ka jingioh ka long kaba biang ne kaba duna na ba ka bam ka bha ne ka sniew; hynrei na ka jing iarap sha ka pla jong u myntri rangbah, ngi la iohi, ba kawei ka result ka la mih bad kata ka long negative lane kaba lada buh ha kawei pat ka kyntien, ka long ba ki kali kiba kit nongpang sha ka Jylla, ki dei ki kali rim, kiba la thied tam da ka sorkar UP lane ba ngi lah ban buh ha kawei ka kyntien bad kata ka long ba ka pisa, kaba la ia noh sha ka pla u myntri rangbah, ka la leit ha kaba thied da ki kali rim.
Ha kaba iadei bad ki seng bhalang pat, ngim tip, la ki la ioh jingbit ne em, na ki Deputy Commi ssioner haba ki leit sam marbam, lane ki shu leit beit da ka mon lajong, ba ki kwah ban iarap ia ki paidbah kiba donkam khaw bad lada ka long kumta, ka pyni biang sa kawei ka mat bad kata ka long ba ka jingkren jong ki heh sorkar, ka la kylla pyrdet, haba iadei bad ka jingshisha ha ki shnong lane ba ngi lah ban ong, ba ka sorkar, ka ju kren shlur, da kaba ong ba u khaw u pahuh, katba lada u khaw u pahuh, kumne ki sengbhalang, ki ia bunkam ban leit sam khaw, haba ha ki dong kiba bun bah ha sor, ruh ki ia bun kiba ia ap khaw na kitei ki kynhun sengbhalang.
Toi, hap ai khublei ia ki sengbhalang bapher, tangba ha kajuh ka por, hap ruh ban ia tip, ba kine ki sengbhalang, kiba dei hi ki riew paidbah, (ki bym ioh tulop na ka sorkar, kumba ioh ki MLA, MDC bad kiwei ki nongtrei sorkar) bad kaba lyngngoh, ka long ba ki khlem shah ot tulop, hynrei la iohi, ba ka jingioh jongki, ka pahuh pahai bha bad kata ka long ba ki ioh pahuh u khaw u phan, u dai ban bsa ia u paidlang ka Ri Khasi, ha kaba kum kane ka por jong ka jingsohsat ka Ri Khasi Jaintia.
Kam lei lei, lada jia ba ki don ka jing ia noh synniang para ma ki, (hynrei katei ruh kam dei kaba suk), hynrei lada jia ba ki shu leit dakhol na ki kharkaia bad bsa sha ki paidbah, hangta kan long kaba sngew pap sngew sang artad.
Ka jingkren bynniaw une u nongthoh ka long kaba dei palat, nga ruh nga sngew lyngngoh kumno ki sengbhalang ki ioh pisa ban sam marbam sha ki paitbah, watla ktta ruh iaka bam ba iohei te bun kiba kmen, haka jingshisha kadei ka kamram jongki nongmihkhmat bad ki bor sorkar ban shimkhia tang ha kum kane ka por khlam, hynrei wat lakatta ngi iai sngewnguh ia ki nongiarap.