Shillong:U Bah Ernest Mawrie, President ka BJP Meghalaya, ula ong ba wat la ka ka Party, ka la pynieng baroh 60 ngut ki kyrtong ha ki constituency bad khmih lynti ban jop bun ngut, pynban sngewsih ba ki paitbah ka jylla kim shem la pdiang ne pynjop ia ka BJP ha kane ka election.
Haba kylli na kaei ka daw ba ka BJP kam shem la poi sha ka ka thong wat lada ki la pyniend bun ki kyrtong; u Bah Mawrie, ula ong ka daw bah ka dei ba kiwei ki seng saiñ pyrthei ki kynnoh ba ka BJP ka khniot ïa ki Christian ne ka dei ka seng pyrshah Christian bad ula ong kane ka ju jia beit shwa ka election, namar ki dei ki briew kiba shim kabu ki pynmih ki video ba leh don bor ka BJP ban pynkhyllem ia ki iing mane.
Ula ong la katta ki snem ki sngi, ym pat ju jia ne khang tala ia kano kano ka iing Mane ne ba ka seng BJP ka pynkhyllem ia ki ïing mane, hynrei ka shu long beit tang ka jingkynnoh pyrshah ia ka BJP.
Namar kumba ka long ka BJP kam kiew ne hiar, ka shu long beit katjuh ki long beit katjuh ka jingioh ki MLA hapoh ka jylla. U bah Mawrie, ula ong ba na ka liang ka party kan ym pynsngap ia kita ki jing kynnoh ha shwa ka election bad ka seng kan trei shitom beit ban pynkhlaiñ ia ka party la ka dei ban pynkhreh ia ka election MDC ne Election MP.
Haba twad jingshisha, halor kane ka khubor u President ka BJP Meghalaya, ula ong kat haduh mynta kam shym pat la don kano kano ka jingiakren hapoh ka party halor kata ka jing pynieng kyrtong MP.
U Bah Mawrie ula paw kyrteng ia lade ha ki khubor, kum u kyrtong MP bad u la ong ba lada ka party ka sngew dei ban bynshet ha u ban long kum u kyrtong u long ba la kloi ban pdiang ia ka rai jong ka party.
Ka jingkyntait ka BJP ban pyntrei kam ia ka ILP ha Meghalaya bad ka jingkyntait ban pynrung ia ka ktien Khasi bad Garo ha ka Eighth Schedule ka dei ka dawbah jong ka jingshah kyntait ka BJP ha Meghalaya.