Ki saree ki la jan duh jait na India, ai burom ia ki American ba ki pynmih ia ki Jeans, ong u nongthoh ka BBC

Ki arngut ki MP thymmai kiba na West Bengal, ka  Nusrat Jahan bad ka Mimi Chakraborty, ki la paw pyrthei bha ha ki kotkhubor, haba ki ia shondur lang lem bad ki ID Card jongki, ha kaba ki ong ba ka dei ka sngi nyngkong jongki, ha ka dorbar bah jong ka Parliament.

Halor katei ka jingshah shondur bad ka riam jong kitei ki arngut, U Tufail Ahmad, uba dei u nongthoh khubor barim jong ka BBC, ula kynthoh da kaba ong “Ka saree ka la jan duh jait na India. Ha ka pateng ban sa wan, kan dei ka riam, tang ha ki jaka iathoh bad ki jaka pyniaid iew ia katei ka riam”.

Ka la mih ka jingsngew pyrshah jong ki kynthei kiba bun halor katei ka jingthoh jong U Ahmad, hynrei, U Ahmad, ula jubab da kaba ong  “Ka riam sari, ka pynwit bha ia ka rukom iaid jong ki kynthei, khamtam ha ki jaka paidbah. Ngi dei ban ai burom ia ki American, ba ki pynmih ia ki blue jeans. Ki jeans, ki iarap bha ban pynlaitluid ia ka riam ka beit jong ki kynthei” ula ong shuh shuh.