Ki samla ialeh NET, ki hap leit ialeh eksamin sha Aizawl, Tripura

Shillong:U Director ka Tnad Pule puthi ka jylla u A.Ch Marak, u la thoh da ka shithi sha ka Regional Office,AICTE, halor ka jingeh kaba ki khynnah na ka jylla Meghalaya kiba hap ban ia khun ia ka UGC-NET Examination 2022, ki mad.

Ia kane ka shithi la phah ha ka 14 tarik mynta u bnai bad ha kane ka shithi u Marak, u la kdew ia ka jingeh jong ki khyn nah pule na ka jylla Meghalaya kiba hap ban ia khun ia ka UGC-NET Examination 2022 ki mad na ka daw ba kin hap ban leit shaduh Agartala bad Aizawl, ha ka jaka ba kin ioh ha Shillong bad Guwahati.

U la kdew ruh ba kane ka la wanrah ia ka jingeh kaba khraw na ka bynta ki khynnah ha kane ka jylla.
Na ka liang u Marak, u la ai kyrteng ruh ia ki jaka pule ki ba lah ban pynlong ia kane ka examin, na ka bynta kine ki khynnah na kane ka jylla.
Kine ki jaka pule ki kynthup ia ka North Eastern Hills University (NEHU) Shillong, ka St Mary’s College,Shillong,ka ICFAI University,Shillong, ka Martin Luther Christian University (MLCU) Shillong bad ka Synod College,Shillong.

Halor kane ka bynta, na ka liang u Marak u la iathuh ba ki dang ap ia ka jubab ba kin ioh na ka Regional Office,AICTE.