Shillong: Ka Meghalaya Board of School Education (MBOSE), mynta ka sngi, ka pyntip, ba kito ki samla pule, kiba ialeh mynta ia ka HSSLC Examination, 2023, ba ki dei ban ialeh ia ka eksamin jong ka Central Universities Entrance Test (CUET), na ka bynta ba kin lah ban leit pule sha ki College/University ha kino kino ki bynta jong ka Ri bad la iathuh, ba katei ka dei ka eksamin, kaba dei ban pyndep, ban ioh ban leit pule ha ki kyrdan undergraduate.
Ban tip kham bha, ia ka eksamin CUET, ki samla pule, kin peit ia ka jingpynbna jong ka National Testing Agency, kaba 9tarik Rymphang, 2023 bad kin leit ha ka website www.nta.ac.in bad ka tarik ba khadduh, ban pynrung kyrteng, ka dei ha ka 12tarik Lber 2023.
La bthah ia baroh ki nongpyniaid jong ki skul, ba kin pynbna paidbah halor kane, khnang ba ki samla pule, kin nym duh ia kane ka kabu bad katei ka jingpynbna, ka don ruh ha ka website jong ka mbose.in, ong ka kyrwoh na U Bah TR Laloo, Controller of Examinations, Meghalaya Board of School Education, Tura.
Nothing to say